MARKU 3:9 - Jinghpaw Hanson Version Bible

⁹ Shawa masha ni shi hpe n ahtu hkra mu ga, li kaji langai mi shi a matu san tawn da na, shi a sape ni hpe tsun da mu ai:

Jinghpaw Common Language Bible 2009

⁹ Shawa masha ni grai law nga ma ai rai nna Yesu gaw shi hpe n ahtu hkra mu ga nga, sape ni hpe shi a matu li kaji langai mi san shajin tawn da ya na hkang da wu ai.

MARKU 3:9 ပူးပေါင်းရင်းမြစ်များ

MAHTE 15:39

Dai shawa masha ni hpe shi shabawn dat nhtawm, li hta shang nna, Magadan ginwang hkan e sa du ai.

MARKU 4:1

Bai, dai nawng makau e shi sharin shaga rai nga ai. Shawa masha law law wa, shi hpang de sa hpawng ma ai majaw, nawng na li hta e shi shang nna dung nga ai: shawa masha ni nlang hte gaw, nawng makau hkarang ntsa e, nga nga ma ai.

MARKU 4:36

Dai rai nna, shawa masha ni hpe kau da nhtawm, shi kaman nga ai hte maren, shanhte gaw shi hpe li hta e jashawn la mu ai; li kaga mung shi hte rau naw lawm ma ai.

MARKU 5:2

Shi gaw li de na pru wa ai shaloi jang, n seng ai nat kap ai masha langai mi lupwa kaw na pru nna, shi hpe sa tau wu ai.

MARKU 5:30

Yesu gaw, shi hta na atsam pru wa ai hpe, shi a myit hta shaloi jang chye dum wu ai majaw, dai shawa hpawng de kayin wa let, “Nye a hpun palawng hpe kadai ahtawk nga nit ta?” ngu nna san mu ai.

MARKU 6:32

Dai rai nna, shanhte gaw li hte sa nhtawm nam mali na machyi shim ai shara de sa wa ma ai.

LUKA 5:1

Kalang mi na, shawa masha ni gaw Karai Kasang a mungga madat na nga, shi kaw katut bang wa ma yang, Genesaret nawng makau e shi tsap nga ai rai nna,

LUKA 5:3

Simun a li hta shang nhtawm, hkin-gau hte loi mi jahka na shi hpe hpyi wu ai rai nna, dai li hta dung let, dai kaw nna shawa masha ni hpe sharin shaga mu ai.

YAWHAN 6:15

Dai masha ni gaw shi hpe adip la nna, hkawhkam shatai na maw ma ai hpe, Yesu chye wu ai majaw, shi hkrai sha dai bum de bai mayun lung mat wa ai.