MARKU 3:5 - Jinghpaw Hanson Version Bible

⁵ Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

Jinghpaw Common Language Bible 2009

⁵ Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

MARKU 3:5 ပူးပေါင်းရင်းမြစ်များ

NINGPAWT NINGHPANG 6:6

Dai majaw Yehowa gaw shinggyim masha ni e ga ntsa e hpan tawn da ai hpe myit malai lu nna, shi a kraw lawang e yawn nga ai.

1 HKAWHKAM 13:6

Shaloi hkawhkam wa gaw Karai Kasang a masha hpe, “Nye a lata bai mai wa lu hkra, nye a matu na a Karai Kasang Yehowa hpe akyu hpyi ya e,” ngu nna tawngban wu yang, Karai Kasang a masha gaw Yehowa hpe akyu hpyi nna, hkawhkam wa a lata gaw mai wa ai hte shawoi na hte maren majing bai rai mat sa lu ai.

NEHEMIA 13:8

Dai majaw ngai grai myit yawn nna, Tobia hte seng ai arung arai mahkra hpe gawk hta na htawm shapraw kau nhtawm,

SHAKAWN KUNGDAWN 95:10

Ngai gaw mali shi ning tup ndai amyu hpe n yawt nga nna; “Shanhte gaw tinang a myit hte lam dam mat ai amyu hte, Nye a lam hpe mung n chye ai ni, rai nga ma ai,” nga nna ngai tsun nga nngai.

MAHTE 12:13

Shaloi shi gaw dai wa hpe, “Na a lata ladawn u,” ngu wu ai. Dai majaw shi ladawn nna, dai gaw maga mi na zawn majing rai mat lu ai.

MARKU 3:4

Bai, shi shanhte hpe, “Laban nhtoi hta e, kaja ai amu galaw na, n kaja ai amu galaw na, masha asak hpe hkye la na, shing n rai sat kau na, gara mahtang mai galaw na a kun?” ngu mu ai.

LUKA 13:15

Shaloi dai Madu shi hpe, “Sawt ai masha ni e, nanhte langai hte langai laban nhtoi e tinang a yamnga lawze hpe ntsin shayaw na ulawng na raw dat ga myit dai, n rai ni?

LUKA 17:14

Yesu shanhte hpe mu jang, “Nanhte a hkum hkinjawng ni kaw wa madun dan mu,” ngu dat mu ai rai nna, shanhte wa nga yang pyi, san pra mat ma ai.

LUKA 6:10

Shanhte mahkra hpe grup yin yu nna, dai wa hpe, “Na a lata ladawn u,” ngu wu ai; shi mung ladawn nna shi a lata gaw mai mat lu ai.

YAWHAN 9:7

“Silum hka lawng de sa kashin su,” ngu nna shi hpe tsun dat wu ai: dai hte maren shi sa kashin nna, myi mu ai hte bai wa ai: (Silum ngu ai gaw, shangun dat ngu ai, rai nga ai.)

ROMA 11:25

Dai rai nna, hpunau ni e, nanhte tinang a hpaji n machyu myit ga, ndai sung htum ai lam hpe nanhte n chye nga na, ngai n ra nngai; dai gaw, maigan amyu ni garai n shang hkum ai du hkra, Israela masha nkau mi myit shanuk kau ai hkrum ma ai, nga ai:

2 KORINHTU 3:14

Shanhte a myit mang ai hku chyawm gaw shaja kau ai hkrum ma ai; kaning rai nme law, dai ni nan du hkra, dai ga shaka dingsa hti yang, myi na man magap gaw a htinggrum nga ai rai nna, dai gaw Hkristu e kun di kau nu ai hpe, shanhte kaw shapraw shadan manu ai n rai:

EHPESU 4:18

shanhte a nyan sin mak nga nna, shanhte hta rawng ai n chye n chyang ai myit hte, shanhte a kraw lawang ja nga malu ai majaw, Karai Kasang hte seng ai asak a shinggan de, shanhte rai nga ma ai:

EHPESU 4:26

“Myit kahtet timung, yubak hkum galaw myit:” nanhte myit naw kahtet bu nga yang, jan hkum shadu myit:

EHPESU 4:30

Hkye hkrang la hkrum ai nhtoi du hkra, nanhte hpe dazik shakap ai Karai Kasang a Chyoi pra ai Wenyi hpe, myit hkum shayawn myit.

HEBRE 3:10

Dai re ai majaw, dai amyu hpe ngai n dawng nna, Shanhte galoi mung myit shut nga ma ai hte, Nye a lam, gaja wa, n chye nga ma ai, ngu let,

HEBRE 3:17

Mali shi ning laman e n dawng kau ai ni gaw, kadai ni hpe rai ta? Yubak mara galaw nna, nam e tinang a hkum tsawp hpe kadawng si ai ni, n rai ma ni?

HEBRE 5:9

dai hte hkum tsup wa lu ngut jang, shi gaw, shi a ga madat mara ai ni yawng mayawng a matu, htani htana hkye hkrang la ai a npawt tai wa ai hte,

SHINGRAN 6:16

bum ni hte lunghkrung ni hpe shaga nna, Anhte a ntsa e hkrat bun mi; tingnyang hta dung ai wa a myit man hte, Sagu Kasha a pawt bu ai hta na anhte hpe magap maga la mi;

TARA AGYI 10:16

Shing rai, maigan Hpara ni hpe mung shanhte kau da nna, Yehowa hpe jaw jau ma ai: Yehowa mung, Israela masha ni hkrum ai matsan tsin-yam hpe masin yu machyi ya wu ai.

1 SAMUELA 20:34

Dai rai nna Yonahtan pawt bu ai hte sha ku na rawt mat nna, dai praw ni ni shani e shat n sha ai nga nga ai; kaning rai nme law, shi a kawa shi hpe kaya jahkrum wu ai majaw, Dawi a matu shi myit yawn nga ai.