MARKU 3:24 - Jinghpaw Hanson Version Bible

²⁴ Mungdan langai mi dinghku brun mat wa yang, dai mungdan gaw grin nga lu na n rai;

Jinghpaw Common Language Bible 2009

²⁴ Mungdan langai mi a kata hta daw hka bra ayai nna shada da gasat hkat ai rai yang dai mungdan gaw n grin nga lu ai.

MARKU 3:24 ပူးပေါင်းရင်းမြစ်များ

2 SAMUELA 20:1

Dai shaloi, Ben-yamin amyu Bihkri a kasha, Sheba mying ai n hkru ai wa langai mi nga ai: dai wa gaw, pahtau dum nna, Israela masha ni e, Anhte gaw Dawi hte hpa mung n seng ga ai; Yese a kasha hta hpa Sali mung n lu ga ai: Israela masha ni e, langai hte langai tinang a sum de wa mu, ngu wu ai,

2 SAMUELA 20:6

Dai majaw Dawi gaw Abishai hpe, Absalom anhte hpe sharu ai hta, dai Bihkri a kasha Sheba sharu ai mahtang grau yak na ra ai: na a madu a ali ama ni hpe woi nna dai wa hpe shachyut su; dai n rai yang, bunghku ngang ai mare langai ngai de shang jang, shi anhte a lata na lawt na ra ai, ngu nna htet da wu ai.

EZEKELA 37:22

dai mung na Israela bum ni a ntsa e, ngai shanhte hpe amyu langai sha shatai nna, hkawhkam langai sha shanhte mahkra ntsa e up na ra ai: htawm hpang de shanhte gaw, amyu lahkawng tai na n rai; mungdan lahkawng galoi mung karan na n rai;

ZEHKARIA 11:14

Dai hpang, Yuda hte Israela kahpu kanau myit dut kau na matu, Matut manoi ngu ai dawhkrawng kaga hpe, ngai atawk kau nngai.

MAHTE 12:25

Shanhte a myit mang ai hku chye ya mu ai majaw, shi shanhte hpe tsun mu ai gaw, “Dinghku brun ai mungdan shagu gaw hten bya mat na ra ai: gara mare, gara nta rai timung, dinghku bra mat wa yang, hking nga lu na n rai.

MARKU 3:23

Shing rai shi shanhte hpe shaga la nna, ga shadawn hku hte tsun mu ai gaw, “Satan gaw, Satan hpe kaning rai shaden kau lu na a ta?

MARKU 3:25

nta langai mi mung, dinghku brun mat wa yang, dai nta gaw grin nga lu na n rai.

YAWHAN 17:21

nang ngai hpe shangun dat ndai gaw, mungkan ga na ni kamsham lu mu ga, dai ni nlang hte gaw langai sha tai nna, Wa e, nang ngai hta nga nga nna, ngai mung nang hta nga nga nngai zawn, dai ni nlang hte gaw, an hta nga nga na matu, ngai hpyi nga nngai.