MARKU 3:22 - Jinghpaw Hanson Version Bible

²² Dai hta n-ga, Yerusalem na yu wa ai laika ka ai sara ni mung, “Shi gaw Bezebula rawng ai wa rai nga ai; nat ni a agyi wa hte shi nat ni hpe shaden kau mu ai,” nga nna tsun ma ai.

Jinghpaw Common Language Bible 2009

²² Yerusalem de nna yu wa ai tara sara nkau mi gaw Yesu hpe, “Shi hta Bezebula nat jawn nga ai. Dai nat ni a agyi wa kaw na n-gun atsam hte shi nat ni hpe shaden kau wu ai,” nga nna tsun ma ai.

MARKU 3:22 ပူးပေါင်းရင်းမြစ်များ

2 HKAWHKAM 1:2

Ya Ahazia gaw, Samari mare hta e nga ai, shi a ntsa gawk na hkuwawt hku kaw nna di hkrat ai majaw machyi nga ai; shaloi shi gaw kasa shaga la nna shanhte hpe, “Ngai ndai machyi ai kaw na mai wa lu na kun? Ekron mare e nga ai Balazebu hpara hpe sa san yu ma su,” ngu dat mu ai.

SHAKAWN KUNGDAWN 22:6

Ngai chyawm gaw, masha n rai, shingtai rai nga nngai: Masha shatan shara, amyu masha ni a matsat shabat ngai rai nga nngai.

MAHTE 10:25

Sape gaw shi a sara zawn, mayam gaw shi a madu zawn rai nga yang gaw, ram nga ai: shanhte gaw nta madu wa hpe Bezebula ngu mu yang gaw, shi a nta na ni hpe, shing grau ngu na mu ai, n rai hka!

MAHTE 11:18

Kaning rai nme law, Yawhan sa du nna n lu n sha ai sha nga yang, shanhte gaw, Shi nat kap ai wa rai nga ai, nga ma ai:

MAHTE 12:24

Hparishe ni mahtang dai hpe na jang, “Nat ni a du Bezebula hte n rai yang gaw, ndai wa nat ni hpe shaden kau lu na n rai,” nga ma ai.

MAHTE 15:1

Dai shaloi e, Yerusalem mare de na Hparishe ni hte laika ka ai sara ni, Yesu kaw sa du nna,

MAHTE 9:34

[Hparishe ni mahtang gaw, “Nat ni a agyi hte sha, shi nat ni hpe shaden kau lu nu ai,” nga ma ai.]

MARKU 7:1

Dai shaloi e, Hparishe ni hte, Yerusalem na lung wa ai laika ka ai sara ni nkau mi gaw, shi kaw sa zup ma ai rai nna,

LUKA 11:15

Rai timung, shanhte hta na nkau mi gaw, “Nat agyi wa Bezebula hte she, shi nat ni hpe shaden kau lu ai,” nga ma ai.

LUKA 5:17

Lani mi hta shi sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe hte tara sara ni sa du dung nga ma ai: machyi shamai na matu mung dai Madu a atsam gaw shi a ntsa e nga nga ai.

YAWHAN 10:22

Ya Yerusalem mare e Engeni poi rai nga ai:

YAWHAN 7:20

Shaloi hpawng nga ai masha ni gaw, “Nang hta nat rawng nga ai: nang hpe sat kau na kadai tam a ta?” ngu nna htan mu ai.

YAWHAN 8:48

Shaloi Yuda masha ni gaw, “Nang Samari masha rai ndai, nat shang ai wa mung rai ndai, ngu nna anhte tsun ai ga gaw, jaw la nga ai n rai ni?” ngu nna shi hpe bai htan mu ai.

YAWHAN 8:52

Bai Yuda masha ni gaw, “Nang nat shang ai wa rai nga ai gaw, ya anhte chye saga ai: Abraham hte myihtoi ni pyi si mat wa masai; nang wa chyawm gaw, Nye ga hku hkan ai wa gaw, galoi mung n si na ra ai, nga nna tsun lu ndai.