MARKU 3:21 - Jinghpaw Hanson Version Bible

²¹ Shi a nta masha ni dai hpe na mu yang, “Shi myit n gring nga ai,” ngu nna shi hpe rim la na pru sa wa ma ai.

Jinghpaw Common Language Bible 2009

²¹ Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

MARKU 3:21 ပူးပေါင်းရင်းမြစ်များ

2 HKAWHKAM 9:11

Ya Yehu gaw shi madu a ali ama ni hpang de sa du yang, langai wa mi gaw, “Yawng ngwipyaw nga a ni? Dai mana bu ai wa gaw hpa majaw nang kaw sa du a ta?” ngu nna san wu yang, Yehu gaw, “Nanhte nan dai wa hpe mung, shi tsun ai ga mung, chye nga myit dai,” ngu mu ai.

HOSEA 9:7

Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

MARKU 3:31

Dai laman e, shi a kanu hte kanau ni gaw, shinggan e tsap nna, shi hpe shaga u ga, shangun dat ma ai.

YAWHAN 10:20

Shanhte hta na law law gaw, “Shi nat shung nna mana nga ai: shi a ga hpe hpa rai madat nga myit ta?” nga ma ai.

KASA 26:24

Shing nga mara raw ga tsun ai hpe, Hpestu gaw, “Pawlu e, nang mana nit dai; hpaji hparat nau htang shalai nna mana mat nit dai,” ngu nna aja awa jet wu ai.

2 KORINHTU 5:13

Kaning rai nme law, anhte myit n gring nga ga ai rai yang gaw, Karai Kasang a matu mara n gring nga ga ai; gring nga ga ai rai yang gaw, nanhte a matu mara gring nga ga ai.