MARKU 3:20 - Jinghpaw Hanson Version Bible

²⁰ Dai hpang, shi nta hta e shang wa ai rai nna, shanhte shat pyi n sha lu hkra, shawa masha ni bai zuphpawng nga ma ai.

Jinghpaw Common Language Bible 2009

²⁰ Dai hpang Yesu gaw nta de wa ai. Shawa masha wunawng kaba langai mi bai sa zuphpawng nga ma ai majaw Yesu hte sape ni shat sha na aten pyi n lu da mu ai.

MARKU 3:20 ပူးပေါင်းရင်းမြစ်များ

MARKU 1:45

Shi mahtang pru wa nna, dai hpe aja awa hkai dan ai hte dai lam hpe kajai gumhkawng dat wu ai: shing rai Yesu gaw, mare kata de leng leng n shang lu ai rai nna, nam mali hkan e anga nga ai: shara magup hkan na ni mung, shi hpang de sa du ma ai.

MARKU 2:1

Ya tawng marang mi na ai hpang Kaperna-um de bai shang yang, dai nta hta e shi rai nga ai hpe, na gara shajang ma ai.

MARKU 3:19

shi hpe ap kau na Yuda Iskarut hte rai ma ai.

MARKU 3:7

Ya Yesu gaw, shi a sape ni hte rau dai nawng de htawt mat wa ma ai: Galile mung na, masha wunawng wuwa hkan nang nga ma ai;

MARKU 3:9

Shawa masha ni shi hpe n ahtu hkra mu ga, li kaji langai mi shi a matu san tawn da na, shi a sape ni hpe tsun da mu ai:

MARKU 6:31

Dai rai nna shi gaw, “Nam mali kata na machyi shim ai shara de, nanhte hkrai nan sa nna, loi mi ban sa la mu,” ngu nna shanhte hpe tsun mu ai. Kaning rai nme law, sa sa wa wa rai nga ai ni gaw law la ma ai rai nna, shanhte gaw shat sha na aten pyi n mu da mu ai.

MARKU 7:17

Dai hpang, shawa masha ni hte hka wa nna, nta de bai shang yang, shi a sape ni, dai ga shadawn a lam shi hpe san mu ai.

MARKU 9:28

Nta nhku de bai shang wa yang, shi a sape ni lagyim san nna, “Anhte dai nat hpe hpa majaw n shaden kau lu gaw ta?” ngu mu ai.

LUKA 6:17

Shanhte hte rau yu wa nna layang e tsap nga yang, shi a sape hpung kaba mung, Yuda mung ting hte Yerusalem mare na mung, nammukdara makau na Turu hte Sidun kaw na mung, masha wunawng wuwa kaba gaw shi a ga madat la na hte tinang a machyi makaw shamai la na matu, rau hpawng nga ma ai: