MARKU 3:17 - Jinghpaw Hanson Version Bible

¹⁷ bai, Zebedi a kasha Yaku hte, Yaku a kanau Yawhan shan nau hpe, Buanerga, ngu nna mying hkawt shamying mu ai; dai gaw, mu ngoi ai kasha yan ngu ai rai nga ai:

Jinghpaw Common Language Bible 2009

¹⁷ Zebedi a kasha Yaku hte Yaku a kanau Yawhan, (shan nau hpe Buanerga, ngu nna mying hkawt shamying wu ai; de a lachyum “mu ngoi ai kasha yan,” ngu ai rai nga ai.)

MARKU 3:17 ပူးပေါင်းရင်းမြစ်များ

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

YEREMIA 23:29

Nye a mungga gaw wan zawn, nlung dup ai sumdu zawn, rai nga ai, n rai ni? nga nna Yehowa tsun ai.

MAHTE 4:21

Bai, dai kaw na hkawm wa yang, kaga shan nau, Zebedi a kasha Yaku hte shi a kanau Yawhan yan gaw, shan a kawa Zebedi hte rau li hta nga nga nna, shanhte a sumgawn kapa nga ma ai hpe, shi mu hkrup mu ai rai nna, shan hpe shaga la mu ai.

MARKU 10:35

Dai shaloi Zebedi a kasha Yaku yan Yawhan gaw shi hpang de sit sa nna, “Sara e, an hpyi mahpyi hpe nang an hpe jaw na gaw, an ra nga ga ai,” ngu nna shi hpe tsun mu ai.

MARKU 14:33

Shaloi, Petru, Yaku, Yawhan hte hpe shi hte rau shaga woi nhtawm, shi myit mak wa ai hte, myit ru myit tsang grai hkrum nga ai rai nna,

MARKU 3:16

Dai marai shi lahkawng hpe shi san da nna, Simun hpe, Petru ngu nna mying hkawt shamying wu ai;

MARKU 3:18

bai, Andre, Hpilip, Barhtolume, Mahte, Htawma, Alhpe a kasha Yaku, Htade, Kanani masha Simun hte,

MARKU 5:37

Shaloi, Petru, Yaku hte Yaku a kanau Yawhan hta kaga, shi kaw hkan nang na ahkang kadai hpe mung n jaw mu ai.

MARKU 9:2

Ya, de a hpang kru ya lai yang, Yesu gaw, Petru, Yaku, Yawhan hte hpe shaga la nhtawm, tsaw ai bum de, shanhte hpe hkrai woi lung wa mu ai. Shaloi, shanhte a man e shi a ahpraw asam galai wa ai hte,

LUKA 9:54

Sape Yaku yan Yawhan gaw dai mu jang, Madu e, shanhte hpe jahkru kau na, an gaw lamu de na wan shaga na, nang hkraw nga n ni? ngu mu ai.

YAWHAN 21:2

Simun Petru hte Didumu ngu ai Htawma, Galile mung Hkana kahtawng na Nahtanela, Zebedi a kasha yan, kaga sape lahkawng, dai hte rau nga ma ai.

KASA 12:1

Dai aten hte yang, Herod hkawhkam gaw, Hpung masha nkau mi hpe zingri zingrat na dakan nga ai.

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

SHINGRAN 10:11

Bai shanhte gaw, Amyu baw law law, masha mungdan law law, ga amyu law law hte hkawhkam law law a lam, myihtoi ga nang bai tsun lu na ndai, nga nna ngai hpe tsun mi ai.