MARKU 2:8 - Jinghpaw Hanson Version Bible

⁸ Shanhte gaw tinang a kraw kata e shing rai myit aru yu nga ma ai hpe, Yesu gaw shi a wenyi hta chye chyang nga ai majaw, “Nanhte hpa rai kraw kata e ndai hte wa myit aru nga myit ta?

Jinghpaw Common Language Bible 2009

⁸ Yesu gaw shanhte hpa baw myit nga ai lam hpe kalang ta chye ya ai majaw shi gaw, “Nanhte hpa rai dai zawn re ai lam ni myit aru yu nga myit ta?

MARKU 2:8 ပူးပေါင်းရင်းမြစ်များ

1 HKAWHKAM LABAU 29:17

Nye a Karai Kasang e, nang gaw kraw lawang hpe dinglik yu nna, dinghpring ai myit hpe sharawng nga ndai, ngai chye nga nngai. Ngai gaw nye dinghpring ai hta, tsawra ai myit hte ndai arung arai yawng mayawng sak jaw nngai: dai hta kaga, nang e hpawng nga ai, na a amyu masha ni mung nang hpe sak jaw ai lam, kabu gara ai myit hte ngai mada mu nngai.

SHAKAWN KUNGDAWN 139:2

Ngai dung nga ai hte rawt wa ai gaw nang chye nga ndai: Ngai myit mang ai hpe mung, Tsan tsan kaw nna pyi nang chye nga ndai.

GA SHAGAWP 15:26

Yehowa gaw mawp lu mawp sha ai lam hpe, matsat nga ai; Ngwipyaw ai ga chyawm gaw, san seng ai ga rai nga ai.

GA SHAGAWP 24:9

Myit n su ai wa a myit mang ai lam, yubak rai nga ai; Jahpoi ai wa gaw, masha a man e matsat shabat rai nga ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

EZEKELA 38:10

“Madu Yehowa ning nga ai: Dai shani e, nang myit mang la nna, n hkru ai hku maw na ndai:

MAHTE 12:15

Yesu dai hpe chye jang, kaga de htawt mat wa ai. Masha law law mung, shi kaw hkan nang ma ai rai nna, shanhte nlang hte hpe shamai shatsai di nhtawm,

MAHTE 16:7

Shanhte mahtang, “Anhte muk n gun nga ga hka,” nga nna shada da tsun wa ma ai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw hta e, hpa majaw n kaja ai myit nga myit ta?

MARKU 2:7

Karai Kasang sha n rai yang yubak dat kau ya lu ai gaw kadai wa rai nga a ta? nga nna tinang a kraw kata e myit aru yu nga ma ai.

MARKU 2:9

Dai katsing si ai wa hpe, ‘Na a yubak dat kau ya sade ai;’ shing n rai, ‘Rawt u, na a yup ku hpe la nna hkawn wa nu,’ ning ngu tsun ai ga yan hta gara mahtang grau tsun loi a ta?

MARKU 7:21

kaning rai nme law, masha a myit kata de nna, n kaja ai myit mang ai, num shut hpyit na, lagu na, masha sat na, num shaw na, lawhpa ai, n hkru n hkra ai,

LUKA 24:38

Dai rai nna shi gaw, “Nanhte hpa rai myit ung ang nga myit ta? hpa majaw nanhte kraw hta le le waw waw myit nga myit ta?

LUKA 5:22

Shanhte a myit aru yu ai hpe Yesu chye wu ai majaw, “Nanhte hpa rai kraw kata e myit aru yu nga myit ta?

LUKA 6:8

Shi chyawm gaw shanhte a myit hpe chye ya wu ai rai nna, lata katsing si ai wa hpe, “Rawt nna ka-ang e tsap u,” ngu wu ai: dai wa mung rawt nna tsap nga ai.

YAWHAN 21:17

Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

YAWHAN 6:64

Rai timung nanhte hta na nkau mi gaw n kam n sham myit dai,” ngu mu ai. Kaning rai nme law, Yesu gaw, n kam n sham ai ni kadai rai ma ai mung, shi hpe ap kau na wa kadai re ai mung, shawng nna chye da nga ai.

KASA 5:3

Dai rai nna Petru gaw, “Anani e, Chyoi pra ai Wenyi hpe masu kau na hte, ga jahpu hta na kau mi ip da na gaw, hpa majaw Satan na a myit jahpring ya lu a ta?

KASA 8:22

Dai majaw, na n hkru ai lam hpe myit malai lu u; na a kraw hta myit mang kau ai lam hpe, mahkoi raw dat kau ya dam nhten, shi Madu kaw hpyi nem u.

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.