MARKU 2:24 - Jinghpaw Hanson Version Bible

²⁴ Dai rai nna Hparishe ni gaw, “Yu u, n mai galaw ai amu, shanhte hpa rai laban nhtoi hta e galaw nga ma ta?” ngu nna shi hpe tsun mu ai.

Jinghpaw Common Language Bible 2009

²⁴ Dai rai nna Hparishe ni gaw, “Yu u, Bansa Nhtoi hta e n galaw mai ai amu hpe shanhte hpa rai galaw nga ma ta?,” ngu nna Yesu hpe tsun mu ai.

MARKU 2:24 ပူးပေါင်းရင်းမြစ်များ

PRU MAT 20:10

sanit ya nhtoi gaw na a Karai Kasang Yehowa a matu laban nhtoi rai nga ai; dai shani e, nang hte na a shayi shadang sha ni mung, na a mayam num mayam la mung, na a yamnga mung, na a chyinghka kata e rawng ai tsasam manam mung amu bungli galaw lu na n rai:

PRU MAT 31:15

Kru ya nhtoi tup makan bungli galaw lu na rai nga ai; sanit ya nhtoi chyawm gaw, Yehowa a chyoi pra ai laban ban na nhtoi kaba rai nga ai: laban nhtoi hta amu bungli galaw ai wa gaw teng teng si lu na rai nga ai.

ESAIA 56:2

Shing rai galaw ai wa, dai lam hkan nang ai masha kasha gaw, laban nhtoi hpe awu asin n di ai hte, n hkru ai amu hpa mung n galaw hkra, tinang lata hpe hkang da ai rai yang, a nga ai.

ESAIA 56:4

Kaning rai nme law, nye a laban nhtoi ni hpe hkan nang nna, ngai ra ai hku lata la ai hte, nye a ga shaka hpe shatup ai unuk ni a lam, Yehowa ning nga ai:

ESAIA 56:6

Dai hta kaga, Yehowa hpe daw jau na matu, shi a amying hpe tsawra ai hte, shi a ali ama ni tai wa nna, laban nhtoi hpe awu asin n di kau ai hte, nye a ga shaka hkan shatup let, Yehowa hta manoi manat nga ai tsasam masha ni mahkra hpe mung,

ESAIA 58:13

Nang gaw laban nhtoi hpe awu asin n di kau ai hte, nye a chyoi pra ai nhtoi hta, nang ra ai hku n hkan ai sha, laban nhtoi gaw ngwipyaw ai nhtoi, Yehowa matu chyoi pra ai shani, arawng lu ai nhtoi, nga nna shamying nhtawm, dai hpe hkungga lara let, na a amu bungli n galaw ai hte, nang ra ai hku n hkan, nang hte seng ai ga n tsun nga ai, rai yang gaw

MAHTE 12:2

Hparishe ni dai mu jang, shanhte gaw, “Yu u, laban nhtoi e n mai galaw ai amu, na a sape ni galaw ma ai,” ngu nna shi hpe tsun mu ai.

MARKU 2:16

Shing rai, yubak kap ai ni hte, kang hta ai ni rau shi shat sha nga ai hpe, Hparishe ni a laika ka ai sara ni mu mu yang shanhte gaw, “Kang hta ai ni hte yubak kap ai ni rau, shi lusha nga a hka?” ngu nna, shi a sape ni hpe tsun mu ai.

MARKU 2:25

Shaloi shi gaw, “Dawi hte shi hte rau nga ai ni kadawn nna, kawsi hkrum nga ma yang,

MARKU 2:7

Karai Kasang sha n rai yang yubak dat kau ya lu ai gaw kadai wa rai nga a ta? nga nna tinang a kraw kata e myit aru yu nga ma ai.

HEBRE 12:3

Nanhte a myit masin gawng run ai hte hki ba ai n hkrum malit ga, yubak kap ai ni a lata hte dai hte wa ndang kalang di kau hkrum sha ai wa hpe, myit dum nga mu.