MARKU 2:22 - Jinghpaw Hanson Version Bible

²² Tsabyi nnan hpe mung, shanhpyi ndum dingsa hta, kadai mung n bang da ga ai: shing di yang, tsabyi gaw ndum ni hpe kapaw je kau nna, dai tsabyi hte ndum ni sum mat ma ai. (Tsabyi nnan gaw, ndum nnan hta bang ga ma ai.)”

Jinghpaw Common Language Bible 2009

²² Sabyi nnan hpe mung, shanhpyi sabyi ndum dingsa ni hta n bang ga ma ai, hpa majaw nga yang, sabyi gaw sabyi ndum ni hpe kapaw je kau nna sabyi hte ndum ni hten sum mat na rai nga ai. Shing di na malai, sabyi nnan hpe sabyi ndum nnan ni hta ru bang lu na rai nga ai.”

MARKU 2:22 ပူးပေါင်းရင်းမြစ်များ

YOBA 32:19

Yu mu, nye a kraw matsut da ai tsabyi jahku hte bung nga ai; kapaw ga magang wa ai shanhpyi ndum nnan zawn, rai nga ai.

SHAKAWN KUNGDAWN 119:80

Ngai kaya kahpa n hkrum n ga, Na a ga madat hta e nye a myit tsup nga li ga.

SHAKAWN KUNGDAWN 119:83

Wan nhkut hta garau ai shanhpyi htingpa zawn, ngai tai mat nngai rai timung, Na a ga madat hpe ngai n malap kau nngai.

MAHTE 9:17

Tsabyi nnan hpe mung shanhpyi ndum nsa hta, kadai mung n bang da ga ai: shing di yang, ndum ni kapaw wa ai hte tsabyi yun mat nna, ndum ni hten mat ma ai: tsabyi nnan hpe ndum nnan hta bang da ma ai rai nna, dai lahkawng yan a kaja nga ai.”

MARKU 2:21

Palawng nsa hpe, garai n htun ai sumpan chyen hte kadai mung n kapa ga ai: shing di yang, dai achyen gaw dai hpe sha ai hte, dai nnan gaw dingsa hpe gang je kau nna, de a je mat ai gaw grau kaba wa ai.

MARKU 2:23

Dai hpang laban nhtoi hta e, Yesu gaw hkaibang yi hku ga hkawm wa ai rai nna, shi a sape ni lai wa let, mam nsi hpe di ma ai.

YAWSHU 9:13

tsabyi jahku hte hpring tup re ai shanhpyi ndum ndai ni nnan rai mali ai; yu mu, ya je waw mat sai; hpun palawng ndai ni, kyepdin ndai ni lam nau tsan ai majaw dingsa mat masai,” ngu nna bai tsun mu ai.

YAWSHU 9:4

shanhte a lawze daw ni hta lachyit tingsan dingsa hte htaw nna, aje amya kapa gala re ai shanhpyi tsabyi ndum dingsa ni gun;