MARKU 2:17 - Jinghpaw Hanson Version Bible

¹⁷ Yesu dai hpe na wu yang, “N-gun ja ai ni tsi sara n ra ma ai, machyi ai ni sha ra ma ai; dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu nna shanhte hpe tsun mu ai.

Jinghpaw Common Language Bible 2009

¹⁷ Yesu dai hpe na wu yang, “Hkam kaja ai ni tsi sara n ra ma ai, machyi ai ni sha ra ma ai. Ding hpring nna hkungga ging dum ai ni hpe shaga na matu n rai, yubak lu ai ngu nna kabai kau hkrum ai ni hpe shaga na matu she ngai sa du nngai,” ngu nna shanhte hpe tsun mu ai.

MARKU 2:17 ပူးပေါင်းရင်းမြစ်များ

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

MAHTE 18:10

Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 15:29

Dai kasha chyawm gaw, “Yu u, nde nlaw ning tup na a nchyang amu ngai galaw nna, nang tawn da ai hku ngai galoi mung n lai nngai: rai timung, nye jinghku ni hte pyaw pyaw rai nga na, nang lang mi muk bainam kasha langai mi pyi, ngai hpe n jaw yu ndai:

LUKA 15:7

Nanhte hpe ngai tsun made ga, ‘Dai hte maren, myit malai lu shara n nga dum ai, dinghpring ai masha jahku shi jahku a majaw kabu gara ai hta, myit malai lu dum ai yubak kap ai masha langai mi a majaw, sumsing lamu kata e grau nna kabu gara shara rai na ra ai.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

LUKA 19:10

Masha Kasha gaw mat mat ai ni hpe, hkan tam nna hkye hkrang la na du sa ai rai nga ai,” ngu nna Zake hpe tsun wu ai.

YAWHAN 9:34

Shaloi shanhte gaw, “Nang wa mi hkum ting yubak hta na shangai wa da nhtawm me, anhte hpe sharin nga nni?” ngu nna jawm htan nhtawm, dai wa hpe kanawng shapraw kau mu ai.

YAWHAN 9:40

Shi kaw nga ai Hparishe ni dai ga na ma yang, “Rai taw, anhte mung myi n mu ga ni?” ngu nna shi hpe san mu ai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

KASA 26:20

dai lam hpe nnan e Damasku masha ni kaw nna, Yerusalem hte Yuda mung ting hta mung, maigan amyu ni myit malai lu nna, myit malai hte ging dan ai arawn alai shachyen let, Karai Kasang hpang de kayin wa mu ga, ngu nna maigan amyu ni hta mung, ngai hkaw shana nga nngai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.