MARKU 2:16 - Jinghpaw Hanson Version Bible

¹⁶ Shing rai, yubak kap ai ni hte, kang hta ai ni rau shi shat sha nga ai hpe, Hparishe ni a laika ka ai sara ni mu mu yang shanhte gaw, “Kang hta ai ni hte yubak kap ai ni rau, shi lusha nga a hka?” ngu nna, shi a sape ni hpe tsun mu ai.

Jinghpaw Common Language Bible 2009

¹⁶ Hparishe ni hte Tara sara nkau mi gaw, Yesu shing rai kang hta ai ni hte kabai kau hkrum ai masha ni a hpawng hta shat rau jawm sha nga ai hpe mu ma ai shaloi, shi a sape ni hpe, “Hpa majaw shi dai zawn re ai masha ni hte rau lu sha nga ai kun?,” nga nna san ma ai.

MARKU 2:16 ပူးပေါင်းရင်းမြစ်များ

ESAIA 65:5

bai shanhte gaw, “Nang hkrai kaga tsap nga u, ngai kaw hkum ni; ngai gaw nang hta grau chyoi pra nga nngai,” nga nna tsun ma ai. shing re ai ni gaw nye a ladi hta wan hkut, tutnawng hkru nga ai wan zawn, rai nga ai.

MAHTE 18:17

Shanhte a ga n madat hkraw a yang gaw, dai Hpung hpe sa shana ya mu: dai Hpung hpe mung n madat hkraw a yang gaw, tara maigan wa hte kang hta ai wa zawn, na a man e shi rai u ga.

MAHTE 5:46

Nanhte hpe tsawra ai ni hpe sha tsawra myit yang gaw, nanhte hpa shabrai lu la na myit ta? kang hta ai ni mung, dai hte maren galaw ma ai, n rai ni?

MAHTE 9:11

Hparishe ni dai mu ma yang shanhte gaw, “Kang hta ai ni hte yubak kap ai ni hte rau, hpa rai nanhte a sara gaw shat pawng sha a ta?” nga nna shi a sape ni hpe san mu ai.

MARKU 2:15

Dai hpang shi a nta de shat sha na shi dung nga ai rai nna, kang hta ai ni hte yubak kap ai masha law law wa, Yesu hte shi a sape ni rau dung nga ma ai: kaning rai nme law, law law wa rai nga ma ai rai nna shanhte shi kaw hkan nang ma ai.

MARKU 2:7

Karai Kasang sha n rai yang yubak dat kau ya lu ai gaw kadai wa rai nga a ta? nga nna tinang a kraw kata e myit aru yu nga ma ai.

LUKA 18:11

Hparishe wa gaw tsap nna, ‘Karai Kasang e, ngai gaw hpya lu hpya sha ai, n ding n man ai, num shut num shaw re ai masha gale ni hte n bung nngai hta n-ga, ndai kang hta ai wa zawn pyi n rai nngai majaw, ngai nang hpe shakawn nngai:

LUKA 19:10

Masha Kasha gaw mat mat ai ni hpe, hkan tam nna hkye hkrang la na du sa ai rai nga ai,” ngu nna Zake hpe tsun wu ai.

LUKA 19:7

Nga manga ni gaw dai mu jang, shi gaw yubak kap ai wa langai mi kaw shang manam sai, nga nna aput angun nga ma ai.

LUKA 5:30

Dai rai nna Hparishe ni hte shanhte a laika ka ai sara ni gaw, shi a sape ni a lam wu wu di di nga nna, “Nanhte hpa rai kang hta ai ni hte yubak kap ai ni rau lu sha nga myit ta?” nga nna tsun ma ai.

KASA 23:9

Dai rai nna grai wa tsun garu bu nga ma ai; shaloi Hparishe hpung na laika ka ai sara ni nkau mi rawt nna, “Ndai wa hta hpa mara mung anhte n mu ga ai; Wenyi, shing n rai, lamu kasa langai mi shi hte ga tsun ai rai yang, hpa re hka, “--nga nna tsun hkat bu ma ai.

1 KORINHTU 2:15

Wenyi rawng ai wa chyawm gaw yawng mayawng hte hpe jeyang lu nga ai; shi hpe mahtang gaw kadai rai timung jeyang ya lu ai n rai.

HEBRE 12:3

Nanhte a myit masin gawng run ai hte hki ba ai n hkrum malit ga, yubak kap ai ni a lata hte dai hte wa ndang kalang di kau hkrum sha ai wa hpe, myit dum nga mu.