MARKU 2:13 - Jinghpaw Hanson Version Bible

¹³ Bai, dai nawng makau de shi pru sa wa ai; shawa hpawng ni nlang hte gaw, shi hpang de sa du ma ai rai nna, shi shanhte hpe sharin shaga ya mu ai.

Jinghpaw Common Language Bible 2009

¹³ Yesu gaw Galile nawng makau de bai pru sa mat wa ai. Shawa masha ni shi hpang de du sa ma ai rai nna shi shanhte hpe sharin shaga hpang mu ai.

MARKU 2:13 ပူးပေါင်းရင်းမြစ်များ

MAHTE 13:1

Dai shani jang, Yesu gaw dai nta na pru nhtawm, nawng makau e sa dung nga ai.

MAHTE 9:9

Yesu gaw dai shara kaw na sat sa wa yang, kang hta ai sum e dung nga ai Mahte ngu ai wa hpe shi mu hkrup nna, “Ngai kaw hkan nang rit,” shi hpe ngu wu ai: shaloi shi rawt nna shi kaw hkan nang nga ai.

MARKU 1:45

Shi mahtang pru wa nna, dai hpe aja awa hkai dan ai hte dai lam hpe kajai gumhkawng dat wu ai: shing rai Yesu gaw, mare kata de leng leng n shang lu ai rai nna, nam mali hkan e anga nga ai: shara magup hkan na ni mung, shi hpang de sa du ma ai.

MARKU 10:1

Dai kaw na shi rawt pru nna, Yuda mung ga jarit hte Yawdan hka wora hkran de du sa ai rai nna, masha wunawng wuwa shi hpang de bai sa hpawng ma ai majaw, shi htung nga ai hte maren, shanhte hpe bai sharin shaga ya mu ai.

MARKU 2:2

Dai rai nna, masha lanlak zuphpawng nga ma ai rai nna, chyinghka lam makau e pyi, shanhte a matu shang shara n nga hkra, rai nga ma ai: shi shanhte hpe dai mungga tsun dan mu ai.

MARKU 4:1

Bai, dai nawng makau e shi sharin shaga rai nga ai. Shawa masha law law wa, shi hpang de sa hpawng ma ai majaw, nawng na li hta e shi shang nna dung nga ai: shawa masha ni nlang hte gaw, nawng makau hkarang ntsa e, nga nga ma ai.

LUKA 19:48

rai timung, shawa masha ni nlang hte gaw, shi a sharin shaga ai ga hta madat noi nga nga ma ai majaw, kaning di na lam mung, n mu mu ai.

LUKA 21:38

Masha nlang hte mung shi a sharin shaga ai ga madat na nga, nawku Htingnu de shi kaw jahpawt jau jau e du ga ma ai.