MARKU 16:17 - Jinghpaw Hanson Version Bible

¹⁷ Kamsham ai ni madun dan lu na lamik kumla gaw, da ndai ni rai nga ai: Shanhte nye a amying hte nat ni hpe shaden kau lu na mara ai; ga amyu kaga ga mung, tsun dan lu na mara ai;

Jinghpaw Common Language Bible 2009

¹⁷ Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

MARKU 16:17 ပူးပေါင်းရင်းမြစ်များ

MARKU 9:38

Dai shaloi e Yawhan gaw, “Sara e, anhte kaw n hkan nang ai marai langai mi na a amying hte nat shaden kau ai hpe anhte mu hkrup sagaw ai rai timung, anhte gaw n hkan nang ai majaw, shi hpe hkum kau gaw ai,” ngu nna shi hpe tsun wu ai.

LUKA 10:17

Dai sape sanit shi chyawm gaw kabu gara ai myit hte bai wa nna, “Madu e, na a amying hte nat ni pyi anhte a ga madat ma ai,” ngu mu ai.

YAWHAN 14:12

Nanhte hpe ngai gaja wa teng teng tsun made ai gaw, Ngai hpe kamsham ai wa gaw, ngai galaw ai amu lu galaw na ra ai; dai hta grau kaba ai amu mung, lu galaw na ra ai: kaning rai nme law, ngai gaw Wa hpang de wa na nngai.

KASA 10:46

kaning rai nme law, shanhte ga amyu myu tsun ai hte Karai Kasang hpe shagrau ma ai, na lu ma ai.

KASA 16:18

Law law ya wa shi shing re ai majaw, Pawlu grai myit n pyaw nna, kayin nhtawm, dai nat hpe, “Yesu Hkristu a mying ningsang hte ngai nang hpe tsun de ai, shi kaw na pru mat u,” ngu nna daru wu yang, dai ahkying hta nan shi pru mat wa ai.

KASA 19:6

Ya Pawlu shanhte a ntsa e lata mara jang, Chyoi pra ai Wenyi shanhte a ntsa e du nna, shanhte ga amyu kaga tsun nna myihtoi htoi ma ai.

KASA 2:33

Shing rai, Karai Kasang a hkra lata hte shagrau tawn nu ai rai nna, Chyoi pra ai Wenyi a lam, Kawa kaw na ga ndat lu la wu ai majaw, ya nanhte mu lu, na lu ai lam, shi ru jaw dat ru ai.

KASA 5:16

Dai hta kaga, Yerusalem grup yin ginwang hkan na mare ni kaw nna mung, masha law law wa machyi ai ni hte nat shang zingri hkrum ai ni hpe woi nna, du sa shajang ma ai; dai ni mung nlang hte shamai shatsai ai hkrum ma ai.

KASA 8:7

Kaning rai nme law, nat shung ai ni law law hta na, n seng ai nat ni jahtau marawn let pru mat shajang ma ai; hkum katsing si ai ni hte lagaw hten ai ni law law mung, mai mat shajang ma ai.

1 KORINHTU 12:10

kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 12:30

yawng hte wa machyi makaw shamai shatsai na chyeju lu nga ai kun? yawng hte wa ga amyu myu chye tsun nga ai kun? yawng hte wa ga amyu myu a ga lachyum chye shapraw nga ai kun?

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 14:2

Kaning rai nme law, ga amyu myu chye tsun ai wa gaw, masha ni hpe n rai, Karai Kasang hpe sha, tsun ang nga ai; gade ai mung n chye na ai sha, wenyi hta e sung ai ga hpe shi a tsun nga ai.