MARKU 16:1 - Jinghpaw Hanson Version Bible

¹ Ya, laban nhtoi lai mat jang, Magadala Mari yan Yaku a kanu Mari hte Salome gaw, dai moi mang hpe chya ya na matu, manam pyaw ai sau mari ma ai.

Jinghpaw Common Language Bible 2009

¹ Ya Bansa Nhtoi lai mat jang, Magdala Mari yan Yaku a kanu Mari hte Salome gaw, dai moi mang hpe sa chya ya na matu manam pyaw ai sau sa mari ma ai.

MARKU 16:1 ပူးပေါင်းရင်းမြစ်များ

NINGPAWT NINGHPANG 50:2

Dai hpang Yawsep gaw shi a kawa hpe manam pyaw ai tsi hte lajang na, shi a mayam tsi sara ni hpe hkang da wu ai rai nna, tsi sara ni mung manam pyaw ai tsi hte Israela hpe lajang mu ai.

2 HKAWHKAM LABAU 16:14

Mung masha ni gaw, shi a moi mang hpe hpaw ya chye ai sara ni hpaw da ai manam pyaw ai baw amyu myu hpring ai yup ku hta sharawn da nhtawm, Dawi mare e shi a matu shi krawk da ai lup hta makoi mayang di ai hte, shi a matu grai kaba ai wan nat poi mung galaw ma ai.

MARKU 14:3

Ya Yesu gaw Behtani kahtawng na manggang kap ai Simun a nta e hkrawn taw nga yang, numsha langai mi nachying hpu ai mura nardu jet rawng ai lunghpraw gawm lang shang nna, dai lunghpraw gawm gang daw nhtawm, shi a baw hta e ru bun ya wu ai.

MARKU 14:8

Shi gaw rai lu ai hte maren galaw nu ai; lup makoi na matu, shi nye a hkum hpe hkap chya ya ni ai.

MARKU 15:40

Tsan tsan kaw nna, a yu nga ai numsha ni mung, nga ma ai: shanhte hta na, Galile mung e shi naw nga yang, shi kaw hkan nang nna, shi hpe galaw daw ai Magadala Mari, Yaku kaji yan Yose a kanu Mari hte, Salome hte lawm ma ai:

MARKU 15:42

Ya nrim rim rai nna dai laban nhtoi a shawng shani ngu ai, shachyip da ai nhtoi rai nga ai majaw, arawng lu nna rung aya lu ai hte, Karai Kasang a mungdan hpe myit mada nga ai, Aramahti a mare na Yawsep gaw sa du nna,

MARKU 15:47

Magadala Mari yan Yose a kanu Mari gaw, dai tawn da ai shara hpe mu ma ai.

MARKU 16:2

Dai nhtoi bat mi a shawng shani jahpawt jau jau e, jan pru jang, shanhte gaw dai lup de sa wa ma ai.

MARKU 16:8

Shaloi shanhte pru wa nna, dai lup de na hprawng mat ma ai: kaning rai nme law, hkrit gari ai hte mau mak mat ai shanhte hkrum masai: hkrit nga ma ai majaw, shanhte kadai hpe mung hpa muk n tsun ma ai.

LUKA 23:54

Ya Shachyip da ai nhtoi rai nga ai rai nna, laban nhtoi du magang ra ai.

LUKA 23:56

Shaloi shanhte wa nna, manam pyaw ai baw hte mura sau lajang da ma ai. Laban nhtoi e gaw, tara nga ai hte maren shanhte laban nga ma ai.

LUKA 24:1

Rai timung, hpang na nhtoi bat shawng shani na nhtoi mahka de, shanhte gaw lajang da ai manam pyaw ai baw la gun nna, lup de sa wa ma ai.

YAWHAN 19:25

Dai majaw hpyen masha ni shing rai galaw ma ai. Ya Yesu a wudang makau e shi a kanu hte, kanu a nau na Klopa a madu jan Mari hte, Magdala Mari hte tsap nga ma ai.

YAWHAN 19:31

Dai shani gaw shachyip ai nhtoi rai nga ai hte, hpang shani mung Laban nhtoi kaba rai nga ai majaw, laban nhtoi e wudang hta mang n noi nga u ga, Yuda masha ni gaw dai ni a lagaw kayat daw nna, dai mang ni hpe htawm kau na, Pilat kaw ahkang hpyi ma ai.