MARKU 15:32 - Jinghpaw Hanson Version Bible

³² anhte mu nna shi hpe kamsham lu u ga, Israela Hkawhkam, Hkristu gaw, dai wudang hta na ya yu hkrat wa u ga,” nga nna shada da tsun ma ai. Shi hte rau wudang hta jen da ai yan mung, shi hpe aroi arip ngu mu ai.

Jinghpaw Common Language Bible 2009

³² Israela hkawhkam Meshia gaw wudang ntsa na yu hkrat wa ai hpe anhte yu yu ga, shing rai yu hkrat wa ai hpe mu lu yang, anhte shi hpe kam sham na ga ai!,” nga nna shada da tsun nga ma ai. Shi hte rau wudang hta jen da hkrum ai yan mung Yesu hpe jahpoi asawng ma ai.

MARKU 15:32 ပူးပေါင်းရင်းမြစ်များ

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ZEHPANI 3:15

Yehowa gaw, nang hpe dawdan ai ga shabai kau nna, na a hpyen wa hpe manga kau nu ai: Israela hkawhkam ngu ai Yehowa gaw, na a ka-ang e rai nga ai; nang gaw tsin-yam tsindam hpe, htawm hpang e hkrit ra ai, n rai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MAHTE 1:17

Shing rai, Abraham a aprat kaw nna Dawi a aprat du hkra, ahtik labau shi mali; bai, Dawi kaw nna Babelon hta bawng dung nga ai aprat du hkra, ahtik labau shi mali; bai, Babelon hta bawng dung nga ai kaw nna, Hkristu a aprat du hkra, ahtik labau shi mali li rai nga ma ai.

MAHTE 27:42

Masha kaga hpe shi hkye la ga ai: tinang hkum hpe nan n hkye la lu a hka. Shi gaw Israela hkawhkam rai nga ai; ya wudang hta na yu wa u ga, shaloi anhte shi hpe kamsham na ga ai.

MAHTE 27:44

Shi hte rau wudang hta jen da hkrum ai damya yan mung dai hte maren shi hpe aroi arip di mu ai.

MARKU 15:26

Dai hta kaga, “Yuda ni a Hkawhkam,” ngu nna shi a mara hpe madun ai laika ka shakap tawn mu ai.

MARKU 15:27

Shi hte rau damya lahkawng hpe mung, shi a hkra maga de langai mi, pai maga de langai mi, shanhte jen da mu ai.

YAWHAN 1:49

Nahtanela gaw, “Rabai e, nang gaw Karai Kasang a Kasha rai nga ndai; Israela masha ni a hkawhkam nang rai nga ndai,” ngu nna shi hpe htan wu ai.

YAWHAN 12:13

shanhte gaw namhtan hpun lakung ni daw lang nna shi hpe sa tau la let, “Hawsanna: Dai Madu a amying hte du sa ai wa ngu ai, Israela a hkawhkam gaw, a nga u ga law,” nga nna garu ma ai.

ROMA 3:3

Rai taw gaw? shanhte hta na nkau mi n kam n sham dam ma yang gaw, shanhte a n kam n sham ai gaw, Karai Kasang a sadi sahka hpe shabai lu na kun?

2 TIMOHTI 2:18

shan gaw, bai hkrung rawt wa ai lam gaw byin ngut sai, nga nna, dai tengman ai lam hta na yit mat wa ma ai hte, nkau mi a kamsham ai lam hpe shabai kau ya ma ai.