MARKU 15:24 - Jinghpaw Hanson Version Bible

²⁴ Ya shanhte wudang hta e shi hpe jen da nna, shi a hpun palawng hpe karan tawn mu ai hte, langai hte langai la ang na matu hpaida da mu ai.

Jinghpaw Common Language Bible 2009

²⁴ Dai hpang shanhte shi hpe wudang hta jen da nna, shi a hpun palawng ni hpe shanhte hta na kadai wa garan la ang na hpaida da nna garan la ma ai.

MARKU 15:24 ပူးပေါင်းရင်းမြစ်များ

LUKA 23:34

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

KASA 2:23

ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai:

KASA 5:30

Anhte a ji wa ni a Karai Kasang gaw, nanhte wudang hta jen da sat kau ai Yesu hpe, jahkrung sharawt dat nu ai.

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

TARA JAHPRANG 21:23

na a Karai Kasang Yehowa nang hpe sali wunli jaw ai mungdan awu asin n hkrum na matu, dai wa a si mang hpe dai shani jang, ga hta teng teng lup kau na rai ndai; hpun hta shana tup noi da lu na n rai: kaning rai nme law, noi kau hkrum ai wa gaw, Karai Kasang kaw na dagam dala hkrum ai wa rai nga ai.

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.