MARKU 15:21 - Jinghpaw Hanson Version Bible

²¹ shi a wudang hpe hpai ya u ga, nam kahtawng na wa nna, lai hkawm sa wa ai Alesandru yan Ruhpu a kawa, Simun ngu ai Kureni mung masha langai mi hpe, shadip mu ai.

Jinghpaw Common Language Bible 2009

²¹ Lam e rai nga yang, shanhte gaw Kureni mung masha, Alexandru yan Ruhpu a kawa, Simun ngu ai wa hte hkrum ma yang, hpyen la ni gaw shi hpe adip arip di nna Yesu a wudang hpai shangun mu ai.

MARKU 15:21 ပူးပေါင်းရင်းမြစ်များ

MAHTE 27:32

Shanhte pru sa wa ma yang, Simun mying ai Kureni masha langai mi hpe shanhte mu hkrup nna, Yesu a wudang hpai ya u ga, shi hpe shadip mu ai.

MAHTE 5:41

nang hpe dip nna mai langai mi sa shangun ai wa hte rau, mai lahkawng naw hkan sa u.

MARKU 15:20

Shi hpe asawng asang di ngut jang, dai hkyeng ai hpun nba hpe shanhte raw kau nna, shi a hpun palawng hpe jahpun mu ai. Shaloi, wudang hta shi hpe jen da na, shanhte shapraw sa wa mu ai rai nna,

LUKA 14:27

Kadai mung tinang a wudang hpai let nye hpang n hkan ai wa gaw, nye a sape n tai lu ai.

LUKA 23:26

Yesu hpe shapraw sa wa nga ma yang, nam kahtawng de na wa ai Simun ngu ai Kureni mung masha langai mi hpe shanhte rim la nhtawm, wudang jahpai nna, Yesu a hpang e hkan sa shangun mu ai.

YAWHAN 19:17

Dai rai nna shanhte gaw Yesu hpe woi dun wa mu ai: Yesu gaw shi a wudang shi dai hpai nna, Pungkum ngu ai shara de pru sa wa ai; dai shara hpe Hebre ga hte Golgohta nga ma ai:

KASA 11:20

Rai timung, shanhte hta na Kupru hte Kureni mung na ni nkau mi, Antioki de hkan du ma ai rai nna, Madu Yesu a kabu gara shiga, Heleni masha ni hpe mung tsun dan ma ai.

KASA 13:1

Ya, Antioki mare na Hpung hta e, myihtoi ni, sara ni, nang nga ma ai: dai ni gaw, Barnaba, Nigera ngu ai Simun, Kureni masha Luki, Herod du wa kanawn kanau Manaen hte Shawlu hte rai nga ma ai.

KASA 2:10

Hprugi hte Pamhpuli, Egutu hte Kureni ginwang hkan e nga ai Lebu mung na ni, Roma nna wa nga ai ni, ngu ai, Yuda masha hte proselutu,

KASA 6:9

Shaloi, Shanglawt ngu ai ni a tara jawng hte seng ai ni hte, Kureni, Alesandru, Kiliki hte Asi ngu ai tara jawng hte seng ai ni nkau mi rawt nna, Stehpan hte ndang kalang hkat ma ai.

ROMA 16:13

Dai Madu hta e lata la ai Ruhpu hte, shi hte an a kanu hpe mung shakram ya mi.