MARKU 15:16 - Jinghpaw Hanson Version Bible

¹⁶ Shaloi hpyen ma ni gaw Pretori Htingnu wang kata de, Yesu hpe woi wa nna, dai hpyen dap ting hpe shaga tawn mu ai.

Jinghpaw Common Language Bible 2009

¹⁶ Shaloi hpyen la ni gaw, Yesu hpe Pilat hkawhkam a Pretori htingnu wang kata de woi wa nna, kaga hpyen la ni yawng hpe mung shaga tawn mu ai.

MARKU 15:16 ပူးပေါင်းရင်းမြစ်များ

MAHTE 26:3

Dai shaloi e hkinjawng agyi ni hte mung masha ni a salang ni gaw, Kayahpa ngu ai hkinjawng agyi a nta npan e zuphpawng ma ai rai nna,

MARKU 15:17

Shanhte gaw hkyeng ai hpun nba shi hpe jahpun nna, ju lagup hkri nhtawm, shi hpe shagup mu ai hte,

YAWHAN 18:28

Bai shanhte gaw Yesu hpe, Kayahpa kaw nna Pretori Htingnu de sa bang mu ai: dai ten gaw jahpawt manap jau e rai nga ai: shanhte gaw awu asin re ai n hkrum ai sha, dai Shalai wa ai poi sha lu na matu, tinang dai Htingnu nhku de n shang ma ai.

YAWHAN 18:33

Dai majaw Pilat gaw Htingnu kata de bai shang nna, Yesu hpe shaga la nhtawm, “Nang Yuda masha ni a hkawhkam rai nga nni?” ngu nna shi hpe san wu ai.

YAWHAN 19:2

Hpyen masha ni mung ju hpun hte lagup hkri la nhtawm, shi a baw hta shagup ya nna, palawng ahkyeng mung shi hpe jahpun mu ai:

YAWHAN 19:9

Htingnu nhku de bai shang nhtawm, Yesu hpe, “Nang kanang na rai n ta?” ngu nna san wu ai. Yesu chyawm gaw ga hkaw mi muk n htan wu ai.

KASA 10:1

Ya Kesare mare e, Itali ngu ai hpyen dap hta, Korneli mying ai hpyen latsa up ai bu langai mi nga ai: