MARKU 14:70 - Jinghpaw Hanson Version Bible

⁷⁰ Shi mahtang, bai nyet kau wu ai. Dai hpang gade n na jang, grup yin tsap nga ai ni gaw, “Gaja wa, nang shanhte hta lawm nga ndai; Galile masha mung nang rai nga ndai,” ngu nna Petru hpe tsun mu ai.

Jinghpaw Common Language Bible 2009

⁷⁰ Rai ti mung Petru bai nyet kau wu ai. Dai hpang gade nna yang, grup yin e tsap nga ai ni gaw, Petru hpe, “Shanhte hta lawm ai wa langai mi nang rai nga ndai hpe nang n ningdang lu ndai,” ngu nna shadu tsun wu ai.

MARKU 14:70 ပူးပေါင်းရင်းမြစ်များ

MARKU 14:68

Shi mahtang nyet kau ai hte, “Nang tsun ai ga hpe ngai n chye n dum se ai,” ngu wu ai: dai hpang, nta jan de shi pru sa mat wa ai.

MARKU 14:69

Dai nchyang numsha shi hpe bai mu jang, grup yin tsap nga ai ni hpe, “Ndai wa mung shanhte hta lawm nga ai,” nga ai.

MARKU 14:71

Dai rai nna, shi gaw matsa mawa ga hte, “Nanhte tsun ai wa hpe ngai n chye nngai,” ngu nna dagam mu ai.

KASA 2:7

mau mahka let, “Yu mu, Ya shaga nga ai ndai ni yawng Galile masha hkrai n rai ma ni?

TARA AGYI 12:6

Rai taw, ‘Shibolet’ ngu yu u, ngu mu ai; shaloi Ehprim masha gaw, ga dai n brat lu ai majaw, ‘Sibolet,’ ngu wu ai: shing nga ai wa hpe shanhte rim la nna, Yawdan hka uhkan e hkap sat kau kau di mu ai. Shaloi na gasat ai hta Ehprim masha mun mali e hkying lahkawng si mat ma ai.