MARKU 14:62 - Jinghpaw Hanson Version Bible

⁶² Yesu gaw, “Ngai rai nga nngai; dai hta kaga, Masha Kasha gaw hpung shingkang a hkra maga e dung nga nna, lamu na sumwi ni hte sa du ai hpe, nanhte mu na marin dai,” ngu wu ai.

Jinghpaw Common Language Bible 2009

⁶² Yesu gaw, “Ngai rai nga nngai; dai hta kaga, Masha Kasha gaw, daru magam hpung shingkang rawng ai wa a hkra maga de dung nga nna, lamu na sumwi ni hte du sa ai hpe, nanhte mu na marin dai,” ngu wu ai.

MARKU 14:62 ပူးပေါင်းရင်းမြစ်များ

SHAKAWN KUNGDAWN 110:1

Yehowa nye a madu hpe tsun wu ai gaw, “Na a gumlau ni hpe, na a lagaw kabye ai lahkum ngai shatai ai du hkra, Nye a hkra maga e naw adung nga u,” nga ai.

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

MARKU 13:26

Dai shaloi e Masha Kasha gaw daru magam hte hpung shingkang kaba hte nawng sumwi ni hta e du sa ai hpe, shanhte mu na mara ai.

MAHTE 24:30

Dai shaloi e Masha Kasha a kumla gaw, sumsing lamu hta e dan pru na ra ai; shaloi jang ga ntsa na amyu baw shagu ni sharung shayawt let dai Masha Kasha gaw daru magam hte hpung shingkang kaba hte nawng lamu a sumwi hta du sa ai hpe, mu lu na mara ai.

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

LUKA 22:69

Rai timung Masha Kasha gaw, ya kaw nna Karai Kasang a hpung shingkang a hkra maga de dung nga lu na ra ai,” ngu nna shanhte hpe tsun mu ai.

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

MARKU 16:19

Shing rai, dai Madu Yesu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.

HEBRE 8:1

Ya, anhte tsun dan ai lam ni a ga madung chyawm gaw, da ndai rai nga ai: Shing re ai hkinjawng agyi wa gaw anhte lu ga ai; shi gaw sumsing lamu na daru magam a tingnyang hkra maga de, wa dung nga nna,

HEBRE 8:10

Da ndai gaw, dai nhtoi ni a hpang e Israela a nta hte ngai shaka na ga shaka rai nga ai: Nye a tara hpe shanhte a myit hta ngai bang da nna, Shanhte a kraw lawang hta ka da na we ai; Ngai shanhte a Karai Kasang tai na we ai, Shanhte mung nye a amyu tai na mara ai;

LUKA 23:3

Shaloi Pilat gaw Yesu hpe, “Nang Yuda masha ni a hkawhkam rai nga n ni?” ngu nna san wu ai; shi gaw, “Nang tsun ai hte maren rai nga nngai,” ngu nna shi hpe htan wu ai.

MARKU 15:2

Shaloi, Pilat gaw, “Nang Yuda masha ni a hkawhkam rai nga nni?” ngu nna shi hpe san wu ai. Shi gaw, “Nang tsun ai hte maren rai nga nngai,” ngu nna htan wu ai.

MAHTE 27:11

Ya, Yesu gaw dai munggyi a man e tsap nga ai: munggyi mung, Nang Yuda ni a hkawhkam rai nga n ni? ngu nna shi hpe san wu ai: Yesu gaw, Nang tsun ai hte maren rai nga nngai, ngu wu ai.

2 PETRU 1:16

Kaning rai nme law, anhte a Madu Yesu Hkristu a hpung atsam hte, du sa wa na ra ai lam, shi nanhte hpe shana dan ai shaloi e, hpaji maumwi ga hpe hkan let, anhte hkai ga ai n rai; anhte hkum nan shi a dan hkung ai hpung shingkang hpe tinang dai mu lu ai ni rai nga ga ai.