MARKU 14:31 - Jinghpaw Hanson Version Bible

³¹ Petru chyawm gaw, “Nang hte rau ngai si timung ngai nang hpe n nyet kau na nngai,” ngu nna aja awa tsun wu ai. Shanhte nlang dai hte maren tsun nang ma ai.

Jinghpaw Common Language Bible 2009

³¹ Petru chyawm gaw, “Nang hte rau ngai si hkra rai ti mung, ngai nang hpe n nyet kau na nngai!,” ngu nna grau nna aja awa tsun wu ai. Kaga ni yawng mung dai hte maren tsun nang ma ai.

MARKU 14:31 ပူးပေါင်းရင်းမြစ်များ

1 HKAWHKAM 11:22

Hpara-u gaw, “Na a buga de bai wa mayu ai gaw, ngai hte rau nga nga yang, nang hpa kadawn nga n ta?” ngu nna shi hpe htan wu yang shi gaw, “Hpa n kadawn timung, wa na ahkang she jaw e law,” ngu nna bai hpyi wu ai.

2 HKAWHKAM 8:13

Bai Hazaela gaw, “Na a mayam wa gwi she rai nga ai mi, ndai daram kaba ai amu galaw lu na rai ni?” ngu nna san wu yang, Elisha gaw, “Nang Suri mung na hkawhkam tai na gaw, Yehowa ngai hpe madun dan ni ai,” ngu nna htan wu ai.

SHAKAWN KUNGDAWN 30:6

“Ngai galoi mung shamu shamawt hkrum na nngai n rai,” nga nna, ngamai ai shaloi e ngai tsun nga nngai.

PRU MAT 19:8

Dai amyu masha ni nlang hte mung, Yehowa tsun matsun anhte galaw na ga ai, nga nna jawm htan ma ai. Mawshe mung amyu masha ni a ga Yehowa hpe bai htawn shana wu ai.

GA SHAGAWP 16:18

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

GA SHAGAWP 18:24

Kanawn manang law ai wa, hten byak tam ai wa rai nga ai; Rai timung, hpunau wa manoi ai hta, grau manoi ai jinghku wa mung nga ai.

GA SHAGAWP 29:23

gumrawng ai wa gaw, shagrit kau ai hkrum na ra ai; Myit nem ai wa chyawm gaw, arawng sadang lu la na ra ai.

YEREMIA 10:23

Yehowa e, shinggyim masha gaw tinang lam hpe n up nga ai, ngai chye nngai; hkawm wa yang pyi, shi gaw tinang lagaw lahkam hpe hkang lu ai n rai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

MAHTE 10:33

masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e, dai wa hpe ngai nyet kau na we ai.

MARKU 10:39

Shan gaw, “An rai lu na ga ai,” ngu mu ai. Bai Yesu gaw, “Ngai lu nga ai gawm hpe, nan mung lu na rai nga myit dai; ngai hkam la na baptisma hpe mung, nan hkam la na rai nga myit dai:

MARKU 14:30

Yesu mahtang, “Nang hpe ngai teng teng tsun de ga, Dai na pyi, u lahkawng lang garai n goi yang, nang ngai hpe masum lang nyet kau na rin dai,” ngu wu ai.

MARKU 14:32

Getsemane mying ai shara de shanhte du ma ai rai nna, shi gaw, “Ngai akyu hpyi nga yang nanhte nang e naw dung nga ma la,” ngu nna shi a sape ni hpe tsun mu ai.

LUKA 23:23

Shanhte mahtang nsen kaba hte jahtau nna, Yesu hpe wudang hta jen da lu na lam atik anang hpyi shaja ma ai: shing nga jahtau ai hte mung shanhte dang la ma ai.

YAWHAN 13:37

Bai Petru gaw, “Madu e, ngai nang hte rau hpa rai ya n hkan lu na rai ta? Na a majaw nye a asak ngai nawng kau ya na we ai,” ngu wu ai.