MARKU 14:14 - Jinghpaw Hanson Version Bible

¹⁴ shi kanang shang timung, nta madu hpe, ‘Nye a sape ni hte rau dai Shalai wa ai poi hpe ngai sha lu na, nye a manam gawk kanang nga a ta?’ nga nna Sara gaw san shangun dat mi ai,” ngu mu:

Jinghpaw Common Language Bible 2009

¹⁴ Shi kaw hkan nang wa mu. Shi shang wa ai nta na nta madu wa hpe nye a sape ni hte rau dai Shalai Wa Ai Poi ngai sha lu na, gawk kanang rai ta? nga nna sara gaw san shangun dat mi ai ngu mu.

MARKU 14:14 ပူးပေါင်းရင်းမြစ်များ

MARKU 10:17

Bai, lam e sa wa nga yang, marai langai mi shi kaw gat du nna, shi a man e lahput hput di let, “Mai kaja ai Sara e, n htum n wai asak sali wunli lu la hkra, ngai hpa mi galaw na rai ta?” ngu nna shi hpe san wu ai.

MARKU 11:3

Masha langai ngai, ‘Nan hpa majaw shing rai galaw myit ta?’ nga nna san myit yang, nan gaw, ‘Dai Madu ndai hpe ra ai da,’ ngu nna htan mu: shaloi jang, shi dai hpe nang de ya dat na ra ai,” ngu mu ai.

MARKU 14:13

Shaloi shi a sape lahkawng shi shangun dat nna, “Dai mare de sa ma su; ntsin dibu hpai ai wa gaw nan hte hkrum na ra ai: shi kaw hkan nang nna,

MARKU 14:15

shaloi, jahting shachyip da ai ntsa gawk kaba shi nan hpe madun na ra ai: ‘dai yang e anhte a matu shachyip da mala,’ ngu nna tsun dat mu ai.

LUKA 22:11

nta madu hpe, ‘Ngai nye a sape ni hte Shalai wa ai poi sha lu na manam gawk kanang rai ta?’ nga nna Sara gaw nang kaw san shangun dat mi ai, ngu nna tsun mu.

YAWHAN 11:28

Shing nga nhtawm shi a kanau Mari hpe wa lagyim shaga nna, “Sara nang de nga nga nna, nang hpe shaga nga ai,” ngu wu ai.

YAWHAN 13:13

Nanhte ngai hpe, Sara nga nna mung, Madu nga nna mung, hkungga myit dai: dai hte maren ngai rai nga nngai majaw, nanhte a ga mung rai la sai.

SHINGRAN 3:20

Yu u, ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai timung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.