MARKU 14:1 - Jinghpaw Hanson Version Bible

¹ Dai hpang ni ni lai jang, Shalai wa ai poi hte Azuma poi du ra ai. Shaloi, hkinjawng agyi ni hte laika ka ai sara ni shi hpe kaning di hkalem ai hte rim la nna sat kau lu na lam tam nga ma ai:

Jinghpaw Common Language Bible 2009

¹ Ya, Shalai Wa ai Poi hte matsi n rawng ai muk sha ai Azuma poi du na lahkawng ya sha ra sai. Shaloi hkinjawng agyi ni hte Tara Sara ni gaw Yesu hpe kaning di nna makoi magap ai hku rim la nhtawm sat kau lu na lam tam nga ma ai.

MARKU 14:1 ပူးပေါင်းရင်းမြစ်များ

NINGPAWT NINGHPANG 37:18

Shi tsan tsan e naw rai nga yang, shanhte shi hpe mu nna, shanhte kaw garai n du yang, shi hpe sat kau na bawng ma ai.

SHAKAWN KUNGDAWN 52:3

Kaja ai hta n hkru ai hpe, Dingman ai hta masu ai ga hpe, Nang grau tsaw nga ndai. [Selah.]

SHAKAWN KUNGDAWN 62:4

Gaja wa, shi a arawng hpe jahten na shanhte bawng nga ma ai; Shanhte masu matsa ai ga hpe sharawng nga ma ai; Tinang a n-gup hte shaman ya timung, Kraw lawang e, dagam dala ga tsun nga ma ai. [Selah.]

SHAKAWN KUNGDAWN 62:9

Kaja wa, darat daroi masha ni nbung hkrai rai nga ma ai; Daru magam masha ni masu ai hkrai rai nga ma ai: Shanhte hpe joi hta shen yu yang, yawng hte wa nbung hta grau tsang ma ai.

PRU MAT 12:1

Shaloi Yehowa Egutu mung e Mawshe yan Arun hpe shaga la nna tsun wu ai gaw:

JAW JAU 2:6

Dai hpe nang ahkyep nna namman ru bun na rai wu ai: dai gaw shadung kumhpa rai nga ai.

MAHTE 12:14

Hparishe ni chyawm gaw pru wa nna, shi hpe kaning di jahten kau lu na lam bawng nga ma ai.

MAHTE 6:2

Nang alu jaw n-yang gaw, masha ni a shakawn ai ga lu la lu u ga, tara jawng ni hta, lam hkan e mung, sawt ai masha ni galaw ai zawn, na a man e pahtau hkum dum shangun u: nanhte hpe ngai teng teng tsun made ai gaw, shanhte gaw, tinang a shabrai lu la manu ai.

MARKU 14:12

Ya, dai shalai wa ai hkungga hpe sat mu ai, Azuma poi a nnan shani e, Yesu a sape ni gaw, “Dai Shalai wa ai poi nang sha lu n ga, gara shara hta e na a matu sa shachyip na, nang tsaw nga n ta?” ngu nna shi hpe san mu ai.

MARKU 14:2

rai timung shanhte gaw, “Mung masha ni n kabrawng wa mu ga, poi a laman e n rai u ga,” nga nna tsun ma ai.

YAWHAN 11:47

Dai rai nna hkinjawng agyi ni hte Hparishe ni gaw, du salang ni hpe shaga jahpawng nhtawm, “Anhte kaning re ai rai nga ga ta? dai wa gaw lamik kumla law law madun dan nga ai.

YAWHAN 13:1

Ya dai Shalai wa ai poi garai n du yang, Yesu gaw ndai mungkan ga nna, shi a Kawa hpang de htawt wa na ahkying du wa sai, chye wu ai rai nna, mungkan ga e nga ai shi a masha ni hpe tsawra nga ai re ai hte maren, jahtum nhtoi du hkra shanhte hpe tsawra mu ai.

KASA 12:4

Ya Shalai wa poi lai jang she, mung masha ni hpe shapraw ya na myit da wu ai majaw, shi hpe rim la ngut yang htawng hta bang da nhtawm, shi hpe sin nga na matu, hpyen hpung mali a lata de ap ya mu ai.