MARKU 13:8 - Jinghpaw Hanson Version Bible

⁸ Bai amyu mi hte amyu mi, mung mi hte mung mi shada da gumlau hkat na mara ai: shara kaga ga hta e nnang nawn nawn wa na ra ai; hku mung hku wa na ra ai: dai chyawm gaw kyin dut ngu ai a npawt nhpang rai nga ai.

Jinghpaw Common Language Bible 2009

⁸ Masha amyu mi hte amyu mi, mungdan mi hte mungdan mi shada da majan byin na mara ai. Shara shagu hta nnang nawn ni nawn wa na ra ai; hkuwa kaba ni mung hku wa na ra ai; dai lam ni gaw shawng nnan daw na ma shangai machyi hpang ai zawn ruyak kyindut ngu ai a npawt nhpang sha naw rai nga ai.

MARKU 13:8 ပူးပေါင်းရင်းမြစ်များ

2 HKAWHKAM LABAU 15:6

Karai Kasang gaw tsin-yam tsindam amyu myu hte shanhte hpe sharu shatsang ai majaw, amyu mi hte amyu mi, mare mi hte mare mi shada gasat agrawp hkat ma ai.

SHAKAWN KUNGDAWN 48:6

Dai yang e shanhte hkrit gari ai hte, Shinggyim machyi ai num zawn, kawa machyi hkrum nga ma ai.

ESAIA 19:2

“Ngai gaw Egutu masha ni hpe dumbru dumbra shangun nna, langai hte langai tinang a kahpu kanau wa hte, tinang a htingbu wa hpe gasat na hte, mare mi hte mare mi, mung mi hte mung mi, shada gasat na mara ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 37:3

Shanhte gaw shi hpe, “Hezekia ning nga ai: Dai ni gaw nni nkri, shatan nhkan, asawng asang hkrum ai nhtoi rai nga ai: ma shangai nhtoi gu timung, shangai lu na n-gun n nga ai.

YEREMIA 13:21

Nang nan sharin ai, na a jinghku jing-yu ni, na ntsa e du tai na, shi san da ai rai yang, nang hpa tsun shara nga a ta? shinggyim machyi ai num zawn, nang myit ru hkrum na n rai ni?

YEREMIA 22:23

Arit hpun ni hta tsip tsip ai, Lebanon bum e shanu ai wa e, shinggyim machyi hkrum ai num zawn, nang machyi hkrum yang, matsan mayan gade wa hkrum nga n hka.

YEREMIA 25:32

Zaw nawng zaw wa up ai Yehowa ning nga ai: Yu mu, amyu mi hte amyu mi hta, tsin-yam tsindam kap na ra ai; ga ntsa jahtum de na, bungsha kaba rawt pru na ra ai.

YEREMIA 4:31

Kaning rai nme law, shinggyim machyi ai num a nsen, kasha alat shaprat ai num madai ai nsen zawn, Ziun shayi sha ba galawp ai nsen hpe, ngai na nngai; shi gaw, Ngai hta dingnye nga ai law; masha sat ai ni a man e ngai myit htum nngai, nga nna lata lalam let shabam nga ai.

YEREMIA 49:24

Damasku gaw n-gun yawm wa sai; hprawng na matu kayin wa sai; shi hkrit gari nga ai; shinggyim machyi ai num zawn, shi gaw kawa machyi nna, yawn hkyen hkrum nga ai.

YEREMIA 50:43

Babelon hkawhkam gaw shanhte a shi na nna, shi a lata kya noi mat sai; shinggyim machyi ai num zawn, shi gaw tsin-yam tsindam hkrum nga ai.

YEREMIA 6:24

Dai shi anhte na lu saga ai; anhte a lata kya mat sai; shinggyim machyi ai num zawn, anhte tsin-yam tsindam hkrum ga ai.

HAGI 2:22

hkawhkam mungdan ni a tingnyang hpe, ngai gale galau kau na nngai: maigan amyu ni a hkawhkam mungdan ni a n-gun atsam hpe, ngai agrawp kau na nngai; hpyen leng ni hte dai hta jawn ai ni hpe, ngai gale galau di kau na nngai; gumra ni hte gumra jawn ai ni gaw, langai hte langai tinang a hpunau wa a nhtu hte kadawng hkrat na mara ai.

ZEHKARIA 14:13

Dai shani e, Yehowa kaw na kabring kabrawng kaba, shanhte a ka-ang e byin pru wa ai hte, langai hte langai tinang manang wa a lata hpe magra jum nna, shanhte shada da gasat hkat na mara ai.

MAHTE 24:8

dai yawng chyawm gaw, kyin dut ngu ai a npawt nhpang rai nga ai.

MARKU 13:7

Hpyen gasat ai hte, majan baw wa na shiga, nanhte na myit yang, myit hkum ru myit: dai lam ni gaw byin lu na ra ai, rai timung, dai jahtum ai gaw garai n rai nga ai.

MARKU 13:9

Nanhte mahtang, tinang hkum lala sadi nga mu: shanhte gaw, salang hpawng ni kaw, nanhte hpe ap kau na mara ai; tara jawng ni hta e nanhte anu kayat ai hkrum na marin dai; du ni hte hkawhkam ni kaw, sakse tai wa na matu, shanhte a man e nanhte tsap lu na myit dai.

KASA 11:28

Dai ni hta na Agabu ngu ai wa rawt nna, ga ntsa ting hta hku wa kaba wa na ra ai lam, Wenyi madun ai hte tsun dan mu ai; dai gaw hkawhkam Klawdi a aprat e byin wa sai.

1 HTESALONI 5:3

Shanhte gaw, Ngwipyaw ai hte asan apan rai nga ai, nga nna tsun ma yang gaw, na-um nasin re ai numsha gaw shinggyim machyi hkrum ai zawn, shanhte a ntsa e hten byak wa ai gaw akajawng sha du na ra ai rai nna, shanhte kaning rai mung hprawng wa lu na ma ai n rai.

SHINGRAN 6:4

Shaloi gumra kaga, ahkyeng nsan ai gumra, pru wa ai; dai hta jawn ai wa gaw, ga ntsa na angwi apyaw nga ai lam dawm kau na hte, masha shada da sat hkat shangun na, ahkang lu wu ai rai nna, nhtu kaba mung shi hpe jahpye ya wu ai.