MARKU 13:7 - Jinghpaw Hanson Version Bible

⁷ Hpyen gasat ai hte, majan baw wa na shiga, nanhte na myit yang, myit hkum ru myit: dai lam ni gaw byin lu na ra ai, rai timung, dai jahtum ai gaw garai n rai nga ai.

Jinghpaw Common Language Bible 2009

⁷ Hpyen gasat ai nsen hte majan shiga ni hpe ni ai tsan ai shara kaw na nanhte na myit yang, myit hkum ru myit. Dai zawn re ai amu ni gaw byin lu na ra ai, rai ti mung dai gaw mungkan a jahtum nhtoi du sai ngu ai garai n rai nga ai.

MARKU 13:7 ပူးပေါင်းရင်းမြစ်များ

2 SAMUELA 14:14

Anhte chyawm gaw si chyalu ni rai nga ga ai; ga e ru kau sai hpe, bai n shagawt la lu ai ntsin hte bung mat saga ai: Karai Kasang chyawm gaw matai n dawp ai sha, shi kaw na hprawng mat ai wa, bai nhtang wa na hku, a maw nga ai.

SHAKAWN KUNGDAWN 112:7

N kaja ai shiga hpe shi n hkrit wu ai; Shi a myit Yehowa hta hpa nga nna, ngang nga ai.

SHAKAWN KUNGDAWN 27:3

Luksuk ni nye a man e dap jung nga ma timung, Nye a myit hpa n hkrit li ai; Majan pru wa nga timung, Dai hta she nye a myit grin nga na ra ai.

GA SHAGAWP 3:25

Akajawng sha du ai hkrithpa hte, Tara n lang ai ni hkrum ai tsin-yam hpe hkum hkrit et:

ESAIA 8:12

“Gumle gumlau re ai, nga nna ndai amyu masha ni tsun ai lam shagu hta, Gumle gumlau hkum tsun lawm myit: shanhte hkrit ga ai lam hpe hkum hkrit myit, hkum kajawng myit.

YEREMIA 51:46

Dai mung hta na lu ai ashi majaw, myit hkum hten myit, hkum hkrit nga myit; laning hte laning ashi pru na ra ai: mungdan hta kashun kashe hkrai rai nga nna, du langai mi du kaga hpe hkap daw nga ai.

MAHTE 18:7

Myit kataw shara nga nga ai majaw, mungkan ga na ni dingnye lu ma ai: myit kataw shara n nga hkra gaw, n rai lu ai; rai timung, myit kataw shara shabyin dat ai wa gaw, dingnye lu ai.

MAHTE 2:3

Herod hkawhkam dai ga hpe na jang, shi hte Yerusalem na yawng hte hte rau myit kahpra nga ma ai rai nna,

MARKU 13:6

Masha law law wa nye a amying hte paw pru nna, Ngai gaw dai wa rai nga nngai, nga nna law law hpe lam shadam kau na maru ai.

MARKU 13:8

Bai amyu mi hte amyu mi, mung mi hte mung mi shada da gumlau hkat na mara ai: shara kaga ga hta e nnang nawn nawn wa na ra ai; hku mung hku wa na ra ai: dai chyawm gaw kyin dut ngu ai a npawt nhpang rai nga ai.

YAWHAN 14:1

“Nanhte myit hkum ru myit: Karai Kasang hpe kam mu, ngai hpe mung kam mi.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

KASA 17:3

Hkristu gaw nni nkri hkrum lu na hte, si ai kaw na bai hkrung rawt wa na gaw, shi a lam rai nga ai, nga nna mung, Ngai nanhte hpe tsun dan ai Yesu gaw, dai Hkristu nan rai nga ai, nga nna mung, shanhte hpe jahprang mu ai.