MARKU 13:27 - Jinghpaw Hanson Version Bible

²⁷ Dai shaloi e, lamu kasa ni hpe shi shangun dat nna, nbung mali maga na, aga htum ai de nna lamu htum ai kaw du hkra, shi a lata la ai ni hpe jahpawng la na maru ai.

Jinghpaw Common Language Bible 2009

²⁷ Dai hpang shi gaw lamu kasa ni hpe lamu ga jut mali maga de shangun dat nna, aga htum ai shara kaw nna lamu htum ai shara du hkra shi lata la ai masha ni hpe shinggyin jahpawng la na maru ai.

MARKU 13:27 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

ESAIA 65:9

Ngai gaw Yaku a dap hta na nli, Yuda a dap hta na, nye a bum ni hpe sali hkam la ai wa hpe, shapraw na nngai; ngai lata la ai wa, dai hpe madu lu nna, nye a shangun ma ni dai hta e shanu nga na mara ai.

ZEHKARIA 2:6

“He, he, dingdung maga de na hprawng wa marit, nga nna Yehowa tsun ai; kaning rai nme law, sumsing lamu na nbung mali zawn, ngai nanhte hpe shabra dat nngai,” nga nna Yehowa tsun ai.

MAHTE 12:42

Tara dara ai nhtoi hta, dingda mung na hkawhkam jan gaw, ndai prat na amyu hte rau rawt wa nna, shanhte hpe dawdan na ra ai: kaning rai nme law, shi gaw Shawlumon a hpaji madat na, ga jahtum de na sa du ai: yu mu ndai yang e, Shawlumon hta grau kaba ai wa nga nga ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MAHTE 13:49

Dai hte maren lamu ga htum na aten hta e byin na ra ai: Lamu kasa ni pru sa nna, dinghpring ai ni a kata na, n hkru ai ni hpe lata karan da na mu ai rai nna,

MAHTE 24:22

Dai nhtoi ni hpe n shagying kau yang gaw, gade a hkum shan mung n lawt lu na ra ai; rai timung, lata la ai ni a matu mara, dai nhtoi ni gaw gying wa na ra ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MARKU 13:20

Dai nhtoi ni hpe, dai Madu n shagying kau yang gaw, gade a hkum shan mung, n lawt lu na ra ai; rai timung, shi lata la nu ai lata la ai ni a matu mara, dai nhtoi ni hpe shagying da nu ai.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

MARKU 13:28

Dai hta kaga, maihpang hpun hpe yu nna, de a ga shadawn hpe matsing da mu: de a lakung lakying ni majawm wa nna lap prut wa jang, nlum ta ni wa ra ai hpe nanhte chye nga myit dai.

LUKA 16:22

Shaloi dai hpyi sha ai wa si mat nna, lamu kasa ni gaw shi hpe Abraham a lahpyen hta woi bang da mu ai: sahti wa mung si wa nna, makoi mayang di dat mu ai.

LUKA 18:7

Karai Kasang gaw matsan dum lama nga ai rai nna, shi hpe shani shana hpyi jahtau nga ai, shi a lata la ai ni a hpang maga de, tara n dara ya ai, nga na wu ni?

YAWHAN 10:16

Ndai ulawng hte n seng ai sagu kaga mung ngai naw lu nngai: dai sagu ni hpe mung ngai woi wa lu na rai nna, dai ni mung nye a nsen madat na mara ai; shaloi sagu hpung langai sha, sagu rem wa langai sha, rai na ra ai.

YAWHAN 11:52

dai amyu a matu sha n rai, shara shagu hkan e bra nga ai, Karai Kasang a kashu kasha ni hpe langai sha di nna, shinggyin jahpawng da na matu si hkam lu na re ai, nga nna mung, myihtoi ga hte tsun ai rai nga ai.

ROMA 8:33

Karai Kasang a lata la ai ni hpe kadai wa mi mara shagun lu na a ta? Karai Kasang gaw dinghpring shangun ai wa rai nga ai.

TARA JAHPRANG 30:4

Na a bawng dung manang nkau mi gaw sumsing lamu npu tsan htum ai shara de gawt kau ai hkrum timung, dai kaw nna na a Karai Kasang Yehowa nang hpe shinggyin la na ra ai:

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

2 HTESALONI 2:1

Hpunau ni e, dai Madu a shani gaw ni magang wa ra ai zawn, nanhte n nawn nna wenyi hte mung, ga sumtu hte mung, anhte a shagun dat ai laika zawn san ai hte mung, nanhte a kraw lawang alawan n shamu n shamawt ai hte, myit gadau gadap n rai myit ga,

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

1 PETRU 1:2

Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.