MARKU 13:25 - Jinghpaw Hanson Version Bible

²⁵ shagan ni mung lamu de na di hkrat mat nna, sumsing lamu hta e nga ai nsam ni gaw gari wa na mara ai.

Jinghpaw Common Language Bible 2009

²⁵ Shagan ni mung lamu de na di hkrat mat nna lamu ganghkau na n-gun atsam hking rai ni yawng tinang a shara kaw na htawt kau ai hkrum na mara ai.

MARKU 13:25 ပူးပေါင်းရင်းမြစ်များ

ESAIA 34:4

Sumsing lamu na wunawng wuwa ni yawng, hten mat nna, sumsing lamu gaw laika katsu zawn katsu mat na ra ai; de a wunawng wuwa ni yawng tsabyi ru, lap nyui mat ai hte, lakum lap ru hkrat ai zawn, run hkrat mat na mara ai.

YOELA 2:30

Sumsing lamu hta e mung, ginding aga ntsa e mung, mauhpa amu ngu ai, asai, awan hte wan hkut shadaw hte hpe, ngai madun na nngai.

MAHTE 24:29

Bai, dai nhtoi ni a ru tsang ai hpang jang jan gaw nip mat wa nna, shata mung n htoi mat na ra ai; shagan ni mung, lamu de na di hkrat mat nna, sumsing lamu a atsam ni gaw gari wa na mara ai.

SHINGRAN 6:13

lakum hpun hpe nbung kaba e ahpawt yang, de a n myin ai asi hpe sharun kau ai zawn, sumsing lamu na shagan ni gaw, ga ntsa de run hkrat mat wa ma ai: