MARKU 13:19 - Jinghpaw Hanson Version Bible

¹⁹ Kaning rai nme law, Karai Kasang hpan tawn da ai, ginding aga nnan lat kaw nna ya du hkra n byin yu ai hte, hpang de mung n byin lu na, ru tsang ai gaw, dai nhtoi hte hta e byin pru na ra ai.

Jinghpaw Common Language Bible 2009

¹⁹ Hpa majaw nga yang, Karai Kasang hpan tawn da ai ginding aga nnan lat kaw nna ya du hkra n byin yu ai hte, hpang de mung byin lu na ru tsang ai gaw, dai nhtoi hte hta e byin pru na ra ai.

MARKU 13:19 ပူးပေါင်းရင်းမြစ်များ

SHARUNG SHAYAWT 1:12

Ndai lam lai ai ni yawng hte e, nanhte hpa n nawn myit ni? Yehowa gaw shi pawt bu ai nhtoi hta, nye ntsa e shapraw ai yawn hpa zawn, Yawn hpa kaga naw nga ai kun, myit sumru yu mu.

SHARUNG SHAYAWT 2:13

Yerusalem shayi sha e, na a amu hta ngai hpa sakse madun na rai ta? nang hte hpa shadawn na rai ta? Ziun a shayi hkawnsek e, nang hpe shalan shabran na matu, nang hte hpa shabung na rai ta? Na a hten run ai gaw nammukdara zawn dam nga ai majaw, nang hpe shamai lu na, kadai wa rai ta?

SHARUNG SHAYAWT 4:6

Kaning rai nme law, kadai mung n-gun n dat ai, akajawng sha hten byak hkrum ai, Sodom mare a yubak hta, Nye amyu shayi sha yubak gaw, grau kaba nga ai.

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

Daniela 9:12

Anhte hpe mung, anhte hpe tara dara ai, anhte a tara agyi ni hpe mung, daru ai ga hpe shi shagrin nna, tsin-yam tsindam kaba anhte a ntsa e shapraw nu ai: kaning rai nme law, Yerusalem mare hta byin ai zawn, sumsing lamu npu e kanang n byin yu sai.

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

YOELA 2:2

dai nhtoi gaw nsin sin ai hte sin mak nna, sumwi mung ai hte chyang htat ai nhtoi, rai nga ai; bum ni a ntsa e jahpawt manap nhtoi pri rai nga ai zawn, law la ai hte n-gun atsam rawng ai amyu du ra ai: dai zawn re ai gaw, shawng de galoi n byin yu ai; shanhte a hpang e mung, prat shaning law law du hkra, byin yu na n rai.

MAHTE 24:21

kaning rai nme law, mungkan ga nnan lat kaw nna ya du hkra n byin yu ai hte hpang de mung n byin lu na ru tsang kaba gaw, dai shaloi e byin pru na ra ai.

MARKU 10:6

Rai timung, lamu ga nnan lat kaw nna, lasha hte numsha yan hpe shi hpan da mu ai.

MARKU 13:18

Dai rai nna, dai gaw kashung ta e n byin wa u ga, akyu hpyi nga mu.

MARKU 13:20

Dai nhtoi ni hpe, dai Madu n shagying kau yang gaw, gade a hkum shan mung, n lawt lu na ra ai; rai timung, shi lata la nu ai lata la ai ni a matu mara, dai nhtoi ni hpe shagying da nu ai.

TARA JAHPRANG 28:59

Yehowa gaw, nang hkrum sha na ana zinli hte na a amyu matu ni hkrum sha na ana zinli ngu na, mauhpa ana, nachying kaba nna na du ai ana, grai laja nna na du ai ahkya shakap na ndai.

TARA JAHPRANG 4:32

Ginding aga ntsa e Karai Kasang shinggyim masha hpan da ai nhtoi kaw nna, nanhte garai n pra yang na lai mat wa sai prat hte ting hta, lamu htum maga mi kaw nna maga mi de du hkra gawn yu mu; ndai daram kaba ai amu byin yu sa ni? ndai zawn re ai shiga na yu myit ni?

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.