MARKU 13:11 - Jinghpaw Hanson Version Bible

¹¹ Nanhte hpe tara agyi ni hpang de woi sa nna ap kau myit jang gaw, kaning ngu nna ga tsun na, myit hkum ru myit: dai ahkying hta e, nanhte hpe tsun shangun ai hte maren tsun dan mu: nanhte ga tsun nga ai ni n rai, dai Chyoi pra ai Wenyi mahtang tsun nga ai.

Jinghpaw Common Language Bible 2009

¹¹ Nanhte hpe rim la nna tara jawng de ap kau myit yang, kaning ngu nna ga tsun na, myit hkum ru myit: dai aten du ai shaloi nanhte hpe tsun shangun ai hte maren tsun dan mu. Hpa majaw nga yang, nanhte tsun ai ga ni gaw nanhte a ga ni n rai nga ai, Chyoi Pra ai Wenyi a ga ni she rai nga ai.

MARKU 13:11 ပူးပေါင်းရင်းမြစ်များ

2 SAMUELA 23:2

Yehowa a wenyi ngai hta tsun nga ai: Shi a mungga nye a shinglet hta lawm nga ai.

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

MAHTE 10:17

Rai timung, masha ni hpe sadi nga mu: kaning rai nme law, shanhte gaw salang hpawng ni a lata hta nanhte hpe ap kau na mara ai rai nna, shanhte a tara jawng ni hta e nanhte hpe anu kayat na marin dai.

MARKU 13:12

Dai shaloi e kahpu gaw kanau hpe kanau gaw kahpu hpe, kawa gaw kasha hpe si ai de ap bang kau na mara ai: kasha ni mung kanu kawa ni hpe gumlau rawt nna, sat kau shangun na mu ai.

MARKU 13:9

Nanhte mahtang, tinang hkum lala sadi nga mu: shanhte gaw, salang hpawng ni kaw, nanhte hpe ap kau na mara ai; tara jawng ni hta e nanhte anu kayat ai hkrum na marin dai; du ni hte hkawhkam ni kaw, sakse tai wa na matu, shanhte a man e nanhte tsap lu na myit dai.

LUKA 21:12

Rai timung, dai lam yawng garai n byin yang, masha ni gaw nanhte hpe rim la nna, zingri zingrat di nhtawm, tara jawng ni hte htawng ni hta ap kau na myit dai hte, nye a amying majaw hkawhkam ni hte du ni kaw sa bang kau ai hkrum na marin dai.

YAWHAN 3:27

Shaloi Yawhan gaw, “Sumsing lamu de na jaw ai sha n rai yang gaw, masha gaw hpa mung n lu la lu ai.

KASA 2:4

Shanhte nlang hte mung, Chyoi pra ai Wenyi hpring shajang nna, Wenyi e shadut mu ai hte maren, ga amyu kaga ga hku shaga wa ma ai.

KASA 3:13

Abraham, Isak hte Yaku a Karai Kasang ngu ai, anhte a ji wa ni a Karai Kasang gaw, shi a Shangun ma Yesu hpe hpung shingkang shapraw ya nu ai: nanhte chyawm gaw shi hpe ap kau myit dai rai nna, Pilat du wa, shi hpe dat kau na myit da sayang, nanhte mahtang shi a man e dai wa hpe ndang kau myit dai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna, nlang hte hta Chyoi pra ai Wenyi hpring wa ai hte, Karai Kasang a mungga hpe nden ja ai myit hte tsun dan wa ma ai.

KASA 6:10

Rai timung, shi tsun wa ai hpaji ga hte Wenyi hpe shanhte n dang lu ma ai.

KASA 6:15

Shaloi dai hpawng shingra e dung nga ai ni nlang, shi hpe jawm azi yu mu yang, shi a myi man lamu kasa myi man zawn rai nga lu ai gaw, shanhte mu ma ai.

KASA 7:55

Shi chyawm gaw Chyoi pra ai Wenyi hpring nna, lamu de azi yu wu yang, Karai Kasang a hpung shingkang hte Karai Kasang a hkra maga de Yesu tsap nga ai hpe, mu wu ai rai nna,

1 KORINHTU 2:13

dai chyeju a lam, masha a hpaji ga sharin ai hku hte maren anhte tsun dan ga ai n rai; Wenyi sharin ai hku hte maren anhte tsun dan ga ai: Wenyi hte seng ai lam hte hpe, Wenyi hte seng ai ga hte anhte shapraw shadan ga ai.

EHPESU 3:5

dai lam chyawm gaw, dai kabu gara shiga a marang e, Hkristu Yesu hta e, maigan amyu ni gaw Yuda ni hte rau, ga ndat a sali wunli hkam la lu nna, shanhte hte rau hkumhkrang langai sha hte, ga ndat ni hpe jawm lu jawm la ai ni rai nga ma ai hpe,

YAKU 1:5

Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai:

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.