MARKU 12:7 - Jinghpaw Hanson Version Bible

⁷ Sun galaw ai ni mahtang, ‘Ndai wa gaw, sali wunli dagraw na wa rai nga ai; sa marit, shi hpe sat kau gaw; shaloi shi a sali wunli, anhte lu la na gaw ai,’ nga nna shada bawng la ma ai.

Jinghpaw Common Language Bible 2009

⁷ Rai ti mung dai sun galaw ai ni mahtang, “Ndai wa gaw sun madu a kasha rai nna sali wunli dagraw na wa rai nga ai. Sa marit, anhte shi hpe sat kau gaw; shaloi shi a sali wunli anhte lu la na gaw ai!,” nga nna shada da tsun bawng la ma ai.

MARKU 12:7 ပူးပေါင်းရင်းမြစ်များ

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

NINGPAWT NINGHPANG 37:20

Law, anhte gaw shi hpe sat kau nna, nhkun langai ngai hta jahkrat bang kau gaw; shing rai nhtawm, rai matse langai ngai e shi hpe kawa sat kau sai, ngu nna tsun ga; shaloi, shi a yup mang hpa tai na lu ai gaw anhte yu yu gaw, nga nna shada da tsun ma ai.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

MAHTE 2:16

Hpaji rawng ai ni Herod hpe hkalem kau ma ai, shi chye nga ai shaloi, shi ja ja masin pawt bu ai hte, hpaji rawng ai ni shi hpe madun dan ai aten sawn la nna, shi shangun dat nhtawm, Betlehem hte de a ginwang hkan e rawng nga ai, ni ning kaw nna lawu grit re ai lasha ma kaji nlang hte hpe, sat kau mu ai.

MAHTE 21:34

Ya, asi ngai ai aten du jang, shi a asi sa la mu ga, sun galaw ai ni hpang de, shi a mayam ni hpe shangun dat mu ai.

MARKU 12:12

Dai majaw shanhte gaw shi hpe rim la na tam ma timung, shawa masha ni hpe hkrit da mu ai: kaning rai nme law, ndai ga shadawn hpe, shanhte a lam shi tsun nga ai gaw, shanhte chye na mu ai. Shaloi shanhte shi hpe kau da nna, pru mat wa ma ai.

MARKU 12:6

Shi tsawra ai kasha langai mi naw nga ai: shi hpe mung hpang jahtum e, shanhte hpang de shangun dat wu ai rai nna, Shanhte gaw ngai sha hpe mahtang hkrit hkungga na ma ai, nga nna myit da ai.

MARKU 12:8

Dai rai nna, shanhte shi hpe rim la nna, sat kau nhtawm, sun shinggan de kabai kau mu ai.

KASA 2:23

ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai:

KASA 5:28

“Nanhte hpe, amying dai hte hpa mung hkum tsun, ngu nna anhte aja awa hkang da saga ai; ya yu mu, Yerusalem mare ting nanhte a sharin shaga lam pri di manit dai rai nna, dai wa a asai anhte a ntsa e mara ya na maw nga myit dai,” ngu nna shanhte hpe tsun wu ai.

KASA 7:52

Nanhte a nji nwa ni n zingri yu ai myihtoi, kadai wa nga a ta? Dai Dingman ai Wa paw pru na lam htawn tsun ai ni hpe, shanhte sat kau ma ai; ya nanhte mung dai wa hpe ap kau ai ni, sat kau ai ni, rai nga myit dai;

HEBRE 1:2

ndai nhtoi ladaw na hpang jahtum ai hta, Kasha a n-gup hte anhte hpe ga matsun jaw da mani ai; dai Kasha hpe yawng mayawng a sali wunli hkam la ai wa tai na shi san da nu ai rai nna, shi hte mung nga yawng nga pra galaw da nu ai;