MARKU 11:25 - Jinghpaw Hanson Version Bible

²⁵ Akyu hpyi let tsap nga ai shaloi, masha langai ngai nang hpe lama ma shut a yang gaw, sumsing lamu na nanhte a Nwa gaw, nanhte a mara hpe raw kau ya lu u ga, shi a mara hpe mung, raw kau ya mu.”

Jinghpaw Common Language Bible 2009

²⁵ Nanhte rawt tsap let akyu hpyi ai shaloi, masha langai ngai nanhte hpe shut ai mara lama ma nga yang, dai hpe raw dat kau ya na rai myit dai, shaloi she sumsing lamu e nga ai nanhte a Kawa gaw nanhte a mara ni hpe mung raw dat kau ya na ra ai.’

MARKU 11:25 ပူးပေါင်းရင်းမြစ်များ

ZEHKARIA 3:1

Bai shi gaw, hkinjawng agyi kaba Yoshua gaw Yehowa a lamu kasa a man e tsap nga ai hpe mung, Satan gaw shi hpe mara shagun na matu, shi a hkra maga e tsap nga ai hpe mung, ngai hpe madun nngai.

MAHTE 5:23

Dai rai nna dai hkungri de, na a kumhpa hpe nang la sayang, na a nhpu nnau nang hpe mara shagun ai shara lama ma nga nga ai hpe, dai shaloi jang nang dum lu wu yang gaw,

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

MAHTE 6:5

Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

LUKA 18:11

Hparishe wa gaw tsap nna, ‘Karai Kasang e, ngai gaw hpya lu hpya sha ai, n ding n man ai, num shut num shaw re ai masha gale ni hte n bung nngai hta n-ga, ndai kang hta ai wa zawn pyi n rai nngai majaw, ngai nang hpe shakawn nngai:

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

LUKA 6:37

N jeyang ai nga mu; shing rai jang, nanhte jeyang ai n hkrum na myit dai: n dawdan ai nga mu; shing rai jang, nanhte dawdan ai n hkrum na myit dai: mara dat kau mu; shing rai jang, nanhte dat kau ai hkrum na myit dai.

EHPESU 4:32

Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

KOLOSE 3:13

shada da hkam mana ai hte, mara langai ngai nga yang gaw, shada da raw dat kau hkat nga mu: dai Madu nanhte a mara hpe raw dat kau ya ai hte maren, nanhte mung galaw nga mu.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

SHINGRAN 11:4

Dai yan gaw, lamu ga Madu a man e jung tawn da nga ai tsanlun hpun lahkawng hte pyengdin shadun lahkawng rai nga ma ai.