MARKU 11:21 - Jinghpaw Hanson Version Bible

²¹ Dai rai nna, Petru shadum let, “Rabai e, yu u, nang dagam kau ai maihpang hpun gaw hkraw mat sahka!” ngu nna shi hpe tsun wu ai.

Jinghpaw Common Language Bible 2009

²¹ Petru bai myit dum ai hte, Yesu hpe, “Sara e, nang dagam kau ai maihpang hpun hkraw nyip si mat sai!,” ngu nna tsun wu ai.

MARKU 11:21 ပူးပေါင်းရင်းမြစ်များ

GA SHAGAWP 3:33

Tara n lang ai ni a nta hpe, Yehowa dagam kau nga ai. Dinghpring ai ni a nga shara hpe shi shaman ya wu ai.

MAHTE 21:19

Shaloi lam makau e tu ai maihpang hpun langai mi mu wu yang, dai de shi sa nna, dai hta e alap sha mu wu ai majaw, shi gaw, “Ya kaw nna prat dingsa e, nang hta asi n si n ga,” ngu nna tsun ai: maihpang hpun gaw dai ahkring sha e hkraw kyip mat wa ai.

MAHTE 23:7

masha ni, ‘Rabai e,’ ngu nna shamying na hpe, shanhte sharawng la ma ai.

MAHTE 23:8

Nanhte mahtang gaw, ‘Rabai,’ ngu nna shamying na hpe hkum ra myit: nanhte a Sara gaw langai sha rai nga ai rai nna, nanhte yawng kahpu kanau ni rai nga myit dai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

YAWHAN 4:31

Dai laman e sape ni gaw, “Rabai e, shat sha u,” ngu nna shi hpe agaw mu ai.

1 KORINHTU 16:22

Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.