MARKU 11:18 - Jinghpaw Hanson Version Bible

¹⁸ Hkinjawng agyi ni hte laika ka ai sara ni, dai na ma yang, shi hpe sat kau na lam tam ma ai: kaning rai nme law, mung masha ni nlang shi a sharin shaga ai lam hpe mau mahka nga ma ai majaw, shanhte gaw shi hpe hkrit da mu ai.

Jinghpaw Common Language Bible 2009

¹⁸ Hkinjawng agyi ni hte tara sara ni, dai hpe na ma yang, shi hpe sat kau na lam tam ma ai. Shanhte gaw shi hpe hkrit da mu ai, hpa majaw nga yang, shawa masha ni yawng hte gaw, shi sharin shaga ai lam hpe mau mahka nga ma ai.

MARKU 11:18 ပူးပေါင်းရင်းမြစ်များ

1 HKAWHKAM 21:20

Dai rai nna Ahab gaw, “Ngai hpe hpyen ai wa e, nang ngai hpe mu da n ni?” ngu nna Elia hpe tsun wu ai. Elia gaw, “Nang Yehowa man e n kaja ai amu galaw na nga, na hkum hpe dut kau nu ai majaw, ngai nang hpe mu de ai.

1 HKAWHKAM 22:18

Shing rai Israela hkawhkam gaw Yehosahpat hpe, “Ndai wa nye a lam kaja ai n rai, n kaja ai hku sha hkaw ya ya re ai, ngu nna ngai nang hpe tsun ni ai, n rai ni?” ngu wu ai.

1 HKAWHKAM 22:8

Israela hkawhkam wa gaw, “Yehowa hpe san yu lu na, Imla a kasha Mihkaia ngu ai wa langai mi naw nga ai: rai timung, dai wa hpe ngai n dawng we ai; shi nye a lam n kaja ai hku hkrai hkaw ya ya re ai,” ngu nna Yehosahpat hpe tsun wu ai. Yehosahpat chyawm gaw, “Hkawhkam wa dai lam n tsun u ga,” ngu wu ai.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

MAHTE 21:15

Hkinjawng agyi ni hte laika ka ai sara ni chyawm gaw, shi galaw ai mauhpa amu hte, “Dawi a Kasha kaw, Hawsanna rai wa u ga,” nga nna Htingnu kata hta jahtau ai ma ni hpe mu mu yang, shanhte myit yu kahtet ma ai rai nna, “Ndai ni tsun ai ga hpe nang na da nu ni?” ngu nna shi hpe san mu ai.

MAHTE 7:28

Ya, Yesu gaw dai ga hpe hkaw tsun ngut jang, shi sharin shaga ai lam hpe shawa masha ni mau mat nga ma ai;

MARKU 1:22

Shi sharin shaga ai lam hpe shanhte mau mat nga ma ai: kaning rai nme law, laika ka ai sara ni zawn n rai, daru magam ahkang lu ai wa zawn shi shanhte hpe sharin shaga ya mu ai.

MARKU 11:32

bai, ‘Masha hta na rai kun?’ anhte ngu gaw yang, mung masha ni hpe shanhte hkrit nga ma ai; kaning rai nme law, Yawhan myihtoi rai nga ai hpe, nlang hte gaw, gaja wa kam nga ma ai.

MARKU 12:12

Dai majaw shanhte gaw shi hpe rim la na tam ma timung, shawa masha ni hpe hkrit da mu ai: kaning rai nme law, ndai ga shadawn hpe, shanhte a lam shi tsun nga ai gaw, shanhte chye na mu ai. Shaloi shanhte shi hpe kau da nna, pru mat wa ma ai.

MARKU 3:6

Dai rai nna, Hparishe ni pru nhtawm, shi hpe kaning di sat kau lu na, nga nna Herodi ngu ai ni hte, shaloi jang, bawng nga ma ai.

MARKU 6:20

kaning rai nme law, Yawhan gaw dingman ai hte chyoi pra ai wa rai nga ai hpe, Herod chye wu ai majaw, shi hpe hkrit kamyin ai hte makawp maga nga ai: shi a ga na la wu yang, shi myit grai ung ang rai nga timung, shi a ga na la na grai ra nga ai.

LUKA 19:47

Shi gaw shani shanang nawku Htingnu e sharin shaga let nga nga ai. Hkinjawng kaba ni, laika ka ai sara ni hte, mung a agyi salang ni mahtang gaw, shi hpe sat kau lu na lam tam ma ai:

LUKA 2:47

Shi a ga na mana ni gaw, shi a myit kung ai hpe mung, shi htan ai ga a majaw mung, mau nga ma ai.

LUKA 20:19

Dai ga shadawn hpe laika ka ai sara ni hte hkinjawng agyi ni hpe sha-ang nna tsun ai gaw shanhte chye ma ai majaw, dai ahkying hta pyi shi hpe rim la na maw ma ai, rai timung, mung masha ni hpe hkrit nna nga mat ma ai.

LUKA 4:22

Nlang hte gaw shi a lam sakse hkam ya ai hte, shi a n-gup hta na pru ai chyeju ga majaw mau nga nna, “Ndai wa gaw Yawsep a kasha n rai nga a ni?” nga nna tsun shajang ma ai.

YAWHAN 7:1

Dai hpang Yesu gaw Galile mung hkan e jawt hkawm nga ai: Yuda masha ni shi hpe sat kau na tam ma ai majaw, Yuda mung e n hkawm mayu wu ai.

YAWHAN 7:19

Mawshe gaw nanhte hpe jep ai tara jaw da sai, n rai ni? rai timung, nanhte hta na kadai mung, dai tara n hkan myit dai. Ngai hpe sat kau na hpa rai tam myit ta?” ngu nna shanhte hpe htan mu ai.

YAWHAN 7:46

“Wora wa zawn nga nna sharin shaga ai kadai mung n nga yu ai,” ngu nna htan mu ai.

KASA 24:25

Pawlu gaw dinghpring ai lam, tinang hkum hkang ai lam hte du magang ra ai tara dara ai lam shapraw dan wu yang, Hpilik kajawng nna, “Ya naw wa su, ngai rau jang me nang hpe shaga na de ai,” ngu wu ai.