MARKU 11:1 - Jinghpaw Hanson Version Bible

¹ Ya shanhte gaw, Yerusalem hte, Tsanlun bum na Bethpage yan Behtani kahtawng hkan e ni wa ma yang, shi sape lahkawng shangun dat nna, tsun mu ai gaw,

Jinghpaw Common Language Bible 2009

¹ Yesu hte sape ni gaw, Yerusalem de ni wa magang ma yang, Bethpage hte Behtani mare ni a makau na Tsanlun bum de du ma ai.

MARKU 11:1 ပူးပေါင်းရင်းမြစ်များ

2 SAMUELA 15:30

Dawi mung, hkrap let, baw htinggrum nna kyepdin raw kau nhtawm Tsanlun bum de lung wa nga ai; shi kaw hkan nang ai ni nlang hte mung, baw htinggrum nna hkrap let hkan lung wa ma ai;

ZEHKARIA 14:4

Dai shani hta, shi a lagaw, Yerusalem a sinpraw maga na Tsanlun bum ntsa e tsap nna, Tsanlun bum gaw, sinpraw maga kaw nna sinna maga du hkra, ka-ang brang ga wa ai hte, grai kaba ai kadit tai na ra ai: dai bum a chyen mi gaw, dingdung maga de, chyen mi gaw, dingda maga de, sit wa na ra ai.

MAHTE 21:17

Shaloi shi shanhte hpe kau da nna, dai mare na pru wa nhtawm, Behtani kahtawng de sa du ai hte dai yang e shana shalai kau wu ai.

MAHTE 24:3

Shaloi, Tsanlun bum ntsa e dung nga yang, shi a sape ni hkrai shi kaw sit sa nna, “Dai hte gaw galoi e me byin wa na ra ta? nang bai du na hte mungkan ga a htum wa na kumla gaw, hpa kumla rai na ra ta? anhte hpe tsun dan mi,” ngu mu ai.

MAHTE 26:30

Dai hpang mahkawn mangoi ngut jang, shanhte gaw Tsanlun bum de pru sa wa ma ai.

MARKU 11:2

“Nan a shawng de na kahtawng de sa ma su: dai hta e shang wa ai shaloi jang, kadai mung garai n jawn yu ai lawze kasha dun nga ai hpe, nan mu na mu ai; dai hpe raw nhtawm dun wa marit.

MARKU 13:3

Shaloi dai Tsanlun bum ntsa e, nawku Htingnu tawtap e, dung nga yang, Petru, Yaku, Yawhan hte Andre gaw,

MARKU 14:13

Shaloi shi a sape lahkawng shi shangun dat nna, “Dai mare de sa ma su; ntsin dibu hpai ai wa gaw nan hte hkrum na ra ai: shi kaw hkan nang nna,

MARKU 6:7

Shaloi dai sape shi lahkawng hte hpe shi shaga la nhtawm, marai lahkawng yep yep di nna, shangun dat mu ai hte, n seng ai nat ni hpe dang kau lu na ahkang, jaw dat mu ai rai nna;

YAWHAN 8:1

Yesu chyawm gaw Tsanlun bum de pru mat wa ai.

KASA 1:12

Shaloi shanhte gaw, Yerusalem mare hte laban nhtoi sa ram sha gang ai Tsanlun bum kaw nna, Yerusalem de bai wa ma ai.