MARKU 10:47 - Jinghpaw Hanson Version Bible

⁴⁷ Nazaret wa Yesu nga nga ai hpe, shi na wu yang, “Dawi a Kasha Yesu e, ngai hpe matsan dum la e law,” ngu nna hpyi jahtau wu ai.

Jinghpaw Common Language Bible 2009

⁴⁷ Shi gaw Nazaret wa Yesu nga nga ai hpe na wu yang, “Dawi a Kasha Yesu e! Ngai hpe matsan dum la e law,” ngu nna hpyi jahtau wu ai.

MARKU 10:47 ပူးပေါင်းရင်းမြစ်များ

ESAIA 11:1

Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

MAHTE 1:1

Da ndai gaw Abraham a kasha hte Dawi a kasha, Yesu Hkristu a ahtik labau gawn ai Chyum laika rai nga ai.

MAHTE 12:23

Dai majaw shawa masha ni mau mahka nna, “Ndai wa gaw Dawi a kasha rai nga a hka?” nga nna tsun shajang ma ai.

MAHTE 15:22

Shaloi, Yu mu, Hkanan amyu numsha langai mi, dai mung a ga jarit de na pru sa nna, “Dawi a Kasha, Madu e, ngai hpe matsan dum e law; nye a shayi sha nat e zingri ai grai hkrum nga ai,” nga nna jahtau let tsun wu ai.

MAHTE 2:23

Dai rai nna, “Nazare wa shi hpe ngu na maru ai,” nga nna myihtoi ni tsun ai ga gaw dik wa sai.

MAHTE 20:30

Shaloi, yu mu, myi kyaw ai masha lahkawng, dai lam makau e dung nga ma ai rai nna, Yesu lai sa wa ai hpe na ma yang, shan gaw, “Dawi a Kasha, Madu e, an hpe matsan dum la mi law,” ngu nna jahtau mu ai.

MAHTE 21:11

Shawa masha ni mahtang, “Ndai wa gaw, Galile mung Nazaret mare na, Yesu ngu ai myihtoi wa rai nga ai,” nga shajang ma ai.

MAHTE 21:9

Shi a shawng e sa wa ai hte, hpang de hkan nang ai masha wunawng ni gaw jahtau ma ai rai nna, “Dawi a Kasha kaw, Hawsanna, rai wa u ga; Madu a amying ningsang hte du sa ai wa gaw, a nga ai law! Tsaw Htum ai shara e, Hawsanna, rai wa u ga,” nga ma ai.

MAHTE 26:71

Bai nta jan de pru wa yang, num kaga shi hpe mu nna, dai yang na ni hpe, “Ndai wa mung Nazaret na Yesu hte rau rai nga ai,” ngu mu ai.

MAHTE 9:27

Yesu gaw dai shara kaw nna sat sa wa yang, myi kyaw ai masha lahkawng shi kaw hkan nang let, “Dawi a kasha e, an hpe matsan dum la mi,” nga nna jahtau ma ai.

MARKU 1:24

shi jahtau nna, Nazaret wa Yesu e, anhte nang hte hpa seng ga ta? anhte hpe jahten na nang sa du nni? nang kadai re ai ngai chye nga nngai; Karai Kasang a Chyoi pra ai wa nang rai nga ndai, ngu wu ai.

LUKA 4:16

Shaloi, shi nga kaba wa ai Nazaret mare de du wa ai; shi a htung hte maren laban nhtoi e dai tara jawng hta shi shang wa ai rai nna, laika hti na rawt wu ai.

YAWHAN 1:46

Nahtanela gaw, “Nazaret mare na arai kaja lama mi pru lu a ni?” ngu nna htan wu ai.

YAWHAN 19:19

Pilat mung masat dingsat laika ka la nna wudang hta shakap da wu ai. Dai ka ai gaw, Yuda ni a Hkawhkam Nazaret wa Yesu, nga ai rai lu ai.

YAWHAN 7:41

nkau mi mung, “Ndai wa gaw Hkristu nan rai nga ai,” nga ma ai. Rai timung, nkau mi gaw, “Ataw! Hkristu wa mi Galile mung na pru na a ni?

YAWHAN 7:52

Shanhte gaw, “Nang mung Galile masha rai nga nni? Galile mung de na kadai myihtoi mung n paw pru yu ai, nang she gawn yu u,” ngu nna shi hpe htan mu ai.

KASA 6:14

Nazaret na Yesu ngu ai wa gaw, shara ndai hpe hpya kau nna, anhte hpe Mawshe jaw da ai tara a htung hking hpe galai kau na rai nga ai, nga nna shi nan tsun ai ga anhte na saga ai,” ngu nna tsun mu ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”