MARKU 10:24 - Jinghpaw Hanson Version Bible

²⁴ Sape ni mahtang shi a ga majaw, mau mahka nga ma ai. Dai rai nna Yesu gaw, “Ngai sha ni e, Karai Kasang a mungdan hta shang na gaw, nachying yak la a hka gaw.

Jinghpaw Common Language Bible 2009

²⁴ Sape ni mahtang dai ga ni a majaw mau kajawng nga ma ai, rai ti mung Yesu matut nna shanhte hpe tsun mu ai gaw, “Ngai sha ni e, Karai Kasang a mungdan hta shang na gade wa yak la nga a hka!

MARKU 10:24 ပူးပေါင်းရင်းမြစ်များ

SHAKAWN KUNGDAWN 17:14

Yehowa e, mungkan ga masha ni hte Ndai aprat hta sha matu mara lu ai ni kaw na, na a lata hte ngai hpe shalawt la e. Shanhte a kan hpe nang sutgan hte jahpring ya mu ai: Shanhte kashu kasha law law mayat maya nga ma ai rai nna, Shadang sha ni kaw sutgan htawng da lu ma ai.

SHAKAWN KUNGDAWN 52:7

“Yu mu, Karai Kasang hta n shingbyi nga ai, Shi a sutgan hpe shamyet nna, Shi a n hkru ai hta ngang nga ai share wa gaw, ndai wa rai nga ai,” nga na mara ai.

SHAKAWN KUNGDAWN 62:10

Kashun kashe ai hpe hkum machyu myit, Shanyen la lu ai majaw myit hkum gumrawng myit. Sut su yang dai hta myit hkum noi myit.

GA SHAGAWP 11:28

Tinang sutgan hta hpa ai wa gaw, kadawng mat na ra ai; Dinghpring ai wa chyawm gaw, tsit lali ai hpun lap zawn prut wa na mara ai.

GA SHAGAWP 18:11

Sahti wa a sutgan gaw, shi a ngang ai mare rai nga nna, Tsaw ai bunghku zawn nawn nga ai.

GA SHAGAWP 23:5

Hpa n re ai hpe nang azi yu nga n ni? Sumsing lamu de pyen mat wa ai langda zawn, Gaja wa sutgan gaw singkaw tu nga ai.

YEREMIA 9:23

Yehowa ning nga ai: “Hpaji rawng ai wa gaw, tinang a hpaji hta hkum gumrawng u ga; n-gun rawng ai wa gaw tinang a n-gun hta hkum gumrawng u ga; sut su ai wa gaw tinang a sutgan hta hkum gumrawng u ga:

HABAKU 2:9

Tinang tsip hpe matsaw ntsang de tsip da nna, ru tsang ai lata na lawt lu hkra, tinang a nta matu n tara ai amyat sha ai wa gaw, dingnye lu u ga.

ZEHPANI 1:18

Yehowa a sindawng kahtet ai nhtoi hta, shanhte a ja gum hpraw gaw, shanhte hpe mawai la lu na n rai; shi n-yun bu ai wan gaw, mung ting hpe hkru kau na ra ai: kaning rai nme law, shi gaw mung masha ni mahkra hpe alawan shamyit kau na ra ai.

MAHTE 19:25

Sape ni dai ga na ma yang, nachying myit mau mat ai hte “Dai rai taw gaw, kadai wa mi hkye hkrang la ai kaw du lu na a ta?” nga ma ai.

MARKU 1:27

Nlang hte gaw mau mahka nga nna, Ndai gaw, hpa rai nga a ta? ningnan sharin shaga ai lam rai i? daru magam ahkang hte n seng ai nat ni hpe pyi shi htet da nna, shanhte madat mara nga ma ai, nga nna shada da tsun hkat ma ai.

MARKU 10:23

Shing rai Yesu gaw praw rai yu nna, shi a sape ni hpe, “Sut su ai ni gaw, Karai Kasang a mungdan hta, nachying wa shang yak la a hka gaw!” ngu nna tsun mu ai.

LUKA 16:14

Dai ga mahkra hpe, gumhpraw marin ai Hparishe ni na ma ai rai nna, shi hpe asawng asang ngu mu ai.

YAWHAN 13:33

Ngai sha ni e, ngai nanhte hte hkring mi naw nga na nngai. Nanhte ngai hpe tam na marin dai: Ngai wa ai shara de mung nanhte n du lu na myit dai, ngu nna Yuda masha ni hpe ngai tsun ai hte maren, nanhte hpe mung ngai tsun dan made ai.

YAWHAN 21:5

Dai majaw Yesu gaw shanhte hpe, “Ngai sha ni e, nanhte shahpa lama ma lu myit ni?” ngu nna san wu ai; shanhte gaw, “N lu ga ai,” ngu nna shi hpe htan mu ai.

YAWHAN 6:60

Dai re ai majaw shi a sape ni law law wa dai ga na jang, “Ga ndai gaw yak la ai ga rai nga ai, kadai wa madat lu na i?” nga ma ai.

GALATI 4:19

Nye a ma kaji ni e, Hkristu a shing-yan nanhte hta hkum wa ai du hkra, shangai wa ai shinggyim machyi hpe ngai nanhte a matu naw hkam nga nngai.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

1 YAWHAN 2:1

Ngai shu ngai sha ni e, nanhte yubak n galaw myit ga, ndai hte gaw ngai nanhte hpe ka dat nngai. Rai timung, masha langai ngai yubak galaw hkrup a yang gaw, dai Kawa a man e, htinglu htinglai ya ai wa, Yesu Hkristu ngu ai dinghpring ai Madu gaw, anhte lu ga ai;

1 YAWHAN 4:4

Shu sha ni e, nanhte gaw Karai Kasang kaw na rai nga myit dai rai nna, shanhte hpe dang kau manu ai: kaning rai nme law, nanhte hta e rawng nga ai wa gaw, mungkan ga e nga nga ai wa hta grau nna kaba nga ai.

1 YAWHAN 5:21

Ngai shu ngai sha ni e, gawngngu sumla ni hpe koi gam nga mu law.

SHINGRAN 3:17

Kaning rai nme law, Ngai gaw sut su nga nngai, ngai hta sut ring gan chying sali ai, ngai hpa n ra ni ai, nga ninglen, tsin-yam tsindam hkrum ai wa, chyaren garen ai wa, matsan mayan, myi kyaw ai hte singgu krin re ai wa, nang rai nga ndai hpe, nang n chye n hka!