MARKU 10:23 - Jinghpaw Hanson Version Bible

²³ Shing rai Yesu gaw praw rai yu nna, shi a sape ni hpe, “Sut su ai ni gaw, Karai Kasang a mungdan hta, nachying wa shang yak la a hka gaw!” ngu nna tsun mu ai.

Jinghpaw Common Language Bible 2009

²³ Yesu gaw sape ni hpe kayin mada yu nna, “Sut su ai ni gaw, Karai Kasang a mung dan hta shang na gade wa yak la nga a hka!” ngu nna tsun mu ai.

MARKU 10:23 ပူးပေါင်းရင်းမြစ်များ

YOBA 31:24

Ngai gaw aja hpe hpa nna, ja jet hpe, “nang nye a kam hpa shara rai nga ndai,” nga nna tsun ai hte,

MAHTE 18:3

“Nanhte hpe ngai teng teng tsun made ai gaw, nanhte myit n kayin nna, ma kaji zawn n tai myit yang gaw, sumsing lamu a mungdan hta, nanhte n shang lu na myit dai.

MARKU 10:15

Nanhte hpe ngai teng teng tsun made ga, Kadai rai timung Karai Kasang a mungdan hpe ma kaji zawn n hkap la ai wa gaw, dai hta e gaja wa n shang lu na ra ai,” ngu nna shanhte hpe tsun mu ai.

MARKU 10:22

Shi mahtang dai ga majaw, myi man sum mat nna, myit yawn la ai hte hprang rai mat wa ai: kaning rai nme law, shi arai law law lu ai wa rai nga ai.

MARKU 3:5

Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

MARKU 5:32

Shi mahtang, dai amu galaw ai num hpe mada yu na, kayin yu nga ai.

LUKA 18:24

Yesu gaw dai wa shing re ai mu jang, “Sut su ai ni gaw Karai Kasang a mungdan hta nachying shang yak la ahka gaw!

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

1 KORINHTU 1:26

Dai hta kaga, hpunau ni e nanhte hpe shaga la ai lam aru yu mu; masha a arawn alai hte maren, hpaji byeng-ya rawng ai ni law law wa, ahkang aya lu ai ni law law wa, du amyu hta na law law wa, lawm ma ai n rai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.

2 PETRU 1:11

dai lam hkan nga myit taw gaw, anhte a Madu hte hkye hkrang la ai wa Yesu Hkristu a htani htana prat dingsa na mungdan de shang wa lu na lam, nanhte hpe n taw n tsang di ya na marin dai.