MARKU 10:22 - Jinghpaw Hanson Version Bible

²² Shi mahtang dai ga majaw, myi man sum mat nna, myit yawn la ai hte hprang rai mat wa ai: kaning rai nme law, shi arai law law lu ai wa rai nga ai.

Jinghpaw Common Language Bible 2009

²² Dai wa gaw, dai ga na ai shaloi, myi man sum mat nna, myit yawn la ai hte hprang rai wa mat ai, hpa majaw nga yang, shi grai lu su ai wa rai nga ai.

MARKU 10:22 ပူးပေါင်းရင်းမြစ်များ

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 19:22

Dai shabrang wa gaw dai ga na jang, myit yawn la let byawn hprang rai mat wa ai: kaning rai nme law, shi arai law law lu su ai wa rai nga ai.

MAHTE 27:3

Ya shi hpe ap kau ai Yuda gaw, Yesu dawdan hkrum ai hpe mu chye jang shi myit malai lu nna, gumhpraw lap sumshi hpe hkinjawng agyi ni hte salang ni hpang de bai la sa nna, “Ngai dingman ai asai hpe ap kau we ai majaw, yubak kap ni ai,” ngu mu ai.

MARKU 10:21

Yesu shi hpe azi yu let, shi hpe tsawra wu ai rai nna, “Lam langai mi nang naw ra nga ndai: nang wa su, lu malu hte hpe dut kau nna matsan mayan ni hpe karan jaw u; shing rai jang she sumsing lamu ntsa e nang sutgan lu na rin dai; ngai kaw mung sa hkan nang rit,” ngu nna shi hpe tsun wu ai.

MARKU 10:23

Shing rai Yesu gaw praw rai yu nna, shi a sape ni hpe, “Sut su ai ni gaw, Karai Kasang a mungdan hta, nachying wa shang yak la a hka gaw!” ngu nna tsun mu ai.

MARKU 6:20

kaning rai nme law, Yawhan gaw dingman ai hte chyoi pra ai wa rai nga ai hpe, Herod chye wu ai majaw, shi hpe hkrit kamyin ai hte makawp maga nga ai: shi a ga na la wu yang, shi myit grai ung ang rai nga timung, shi a ga na la na grai ra nga ai.

MARKU 6:26

Dai hkawhkam chyawm gaw ja ja myit yawn nga timung, dai dagam kau ai ga hte, rau dung rau hpawng nga ai ni a majaw, shi hpe ndang kau mayu ai n rai.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 18:23

Dai wa gaw dai ga na jang, nachying myit yawn mat ai: kaning rai nme law, shi gaw grai lu su ai wa rai nga ai.

2 KORINHTU 7:10

Kaning rai nme law, Karai Kasang ra ai yawn hkyen ai gaw, hkye hkrang la ai hkrum hkra, n tsang ra ai myit malai ai hpe shachyen nga ai; mungkan ga a yawn hkyen ai chyawm gaw, si mat ai hpe shachyen nga ai.

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

2 TIMOHTI 4:10

kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.