MARKU 10:20 - Jinghpaw Hanson Version Bible

²⁰ Dai wa gaw, “Sara e, dai yawng mayawng hte hpe, brang ram kaw nna, ngai hkan se ai,” ngu nna Yesu hpe tsun wu ai.

Jinghpaw Common Language Bible 2009

²⁰ Dai wa gaw, “Sara e, dai yawng mayawng hte hpe brang ram prat kaw nna ngai hkan se ai,” ngu nna Yesu hpe htan wu ai.

MARKU 10:20 ပူးပေါင်းရင်းမြစ်များ

ESAIA 58:2

Rai timung shanhte gaw shani shagu ngai hpe hkan tam nna, nye a lam ni chye lu hkra, awng sharawng ma ai: dinghpring ai lam hkan nna, tinang Karai Kasang a ga matsun ni hpe hkan shatup ai amyu zawn, shanhte ngai kaw nna dinghpring ai tara lam hpyi let, Karai Kasang hpang de sit sa na, sharawng nga ma hka!

EZEKELA 5:14

Dai hta n-ga, na a grup yin e dè nga ai amyu baw ni hte, makau hku lai wa ai ni mahkra a man e, ngai nang hpe shingran katsi ai shara hte shatan nhkan shara shatai na nngai.

MALAHKI 3:8

Shinggyim masha gaw, Karai Kasang hpe, hpya lu hpya sha mai a ni? nanhte mahtang ngai hpe hpya lu hpya sha ma ni ai. Rai timung nanhte gaw, Anhte nang hpe kaning rai hpya lu hpya sha ga ta? nga nna tsun myit dai. Htamshi hta htammi hte, nwat kumhpa n jaw ai majaw, ngai hpe hpya lu hpya sha ai, rai nga ai.

MAHTE 19:20

Dai shabrang wa gaw, “Dai yawng mayawng hte hpe ngai hkan shatup se ai: hpa mahtang ngai naw ra nga n ta?” ngu nna shi hpe tsun wu ai.

MARKU 10:21

Yesu shi hpe azi yu let, shi hpe tsawra wu ai rai nna, “Lam langai mi nang naw ra nga ndai: nang wa su, lu malu hte hpe dut kau nna matsan mayan ni hpe karan jaw u; shing rai jang she sumsing lamu ntsa e nang sutgan lu na rin dai; ngai kaw mung sa hkan nang rit,” ngu nna shi hpe tsun wu ai.

LUKA 10:29

Rai timung dai wa gaw shi a dinghpring ai shapraw dan mayu nna, “Nye htingbu wa gaw kadai wa rai na a ta?” ngu nna Yesu hpe tsun wu ai.

ROMA 7:9

Ngai chyawm gaw tara hta n nga ai wa, lang mi e pra nga nngai: rai timung dai ga matsun pru wa yang, yubak prawn wa ai, ngai mahtang si wa nngai;

HPILIPI 3:6

Jep ai tara tau yu yang ngai Hparishe rai nga nngai: ngai shakut sharang ai lam tau yu yang, dai Hpung hpe zingri zingrat nngai; jep ai tara na dinghpring ai lam tau yu yang, ngai mara n kap nngai.

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.