MARKU 10:14 - Jinghpaw Hanson Version Bible

¹⁴ Yesu dai hpe mu yang, myit yu pawt nga ai rai nna, “Ma ni hpe ngai hpang de sa shangun maru; shanhte hpe hkum gang shadang myit; kaning rai nme law, Karai Kasang a mungdan gaw, dai zawn re ai ni a mungdan rai nga ai.

Jinghpaw Common Language Bible 2009

¹⁴ Yesu dai hpe mu yang, myit yu pawt nga ai rai nna, “Ma ni hpe ngai hpang de sa shangun maru, shanhte hpe hkum jahkring shingdang da myit, hpa majaw nga yang, Karai Kasang a mungdan gaw, dai zawn re ai ni a mungdan rai nga ai.

MARKU 10:14 ပူးပေါင်းရင်းမြစ်များ

NINGPAWT NINGHPANG 17:7

Ngai gaw na a Karai Kasang mung, na a htawm hpang na, na a kashu kasha ni a Karai Kasang mung, tai nga na nngai, ngu nna, nang hte na a kashu kasha ni hta prat mi hte prat mi, nye a ga shaka hpe htani htana ga shaka ngai shatai na wa ai.

SHAKAWN KUNGDAWN 78:4

Shanhte a kashu kasha ni a man e anhte makoi da na gaw ai n rai: Yehowa hpe mai shakawn ai lam hte, Shi a atsam, shi galaw sai mauhpa amu hpe, Anhte shu mashi shu masha du hkra gawn dan na ga ai.

ESAIA 65:23

Shanhte gaw be be kaman sha amu galaw na n rai; shamyit kau hkrum na matu kasha shaprat na n rai: shanhte gaw Yehowa kaw na shaman lu la ai nli rai nga nna, shanhte a matu mara ni shanhte hte rau rai nga ma ai.

BU HKAWM 14:31

Masha hpyen ni a lanep sha tai na masai, nga nna nanhte tsun ai ma chyangai ni hpe ngai woi shawn nna, nanhte yen kau da ai mung hpe shanhte chye na mara ai.

MAHTE 18:10

Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

MAHTE 18:4

Ndai ma kaji zawn, tinang a myit shanem ai wa kadai rai timung, sumsing lamu a mungdan hta, grau kaba ai wa tai na ra ai.

MAHTE 19:14

Yesu chyawm gaw, “Ma ni hpe ngai hpang de sa na ahkang jaw nna shanhte hpe hkum ban shadang myit; kaning rai nme law, sumsing lamu a mungdan gaw dai zawn re ai ni a mungdan rai nga ai,” ngu mu ai.

MAHTE 5:10

Dingman ai lam majaw, zingri zingrat hkrum ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

MAHTE 5:3

Wenyi hta matsan mayan rai nga ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

MARKU 3:5

Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

MARKU 8:33

Shi mahtang kayin wa ai hte, shi a sape ni hpe mada yu let Petru hpe, “Satan e nye a hpang de sit mat wa u; Karai Kasang hte seng ai lam n rai, masha hte seng ai lam hpe sha nang myit nga ndai,” ngu nna daru kau wu ai.

YAWHAN 3:3

Yesu gaw, “Ngai nang hpe gaja wa teng teng tsun de ga, Ntsa de nna n shangai ai masha gaw, Karai Kasang a mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

KASA 2:39

Kaning rai nme law, ga ndat dai gaw, shi Madu anhte a Karai Kasang shaga la na ni mahkra hte ngu ai, nanhte hte nanhte a nshu nsha ni hte mung, sumtsan ga e nga ai ni nlang hte mung, seng nga ai,” ngu nna shanhte hpe tsun dan mu ai.

KASA 3:25

Nanhte mung dai myihtoi ni a kashu kasha ni rai nga myit dai hte, Karai Kasang Abraham hpe, Na amyu matu a marang e ga ntsa amyu mahkra gumring gumrat chyeju hkam la shajang na mara ai, nga nna nanhte a nji nwa ni hte tawn da ai ga shaka a kashu kasha ni mung, rai nga myit dai.

ROMA 11:16

Dai hta kaga, shawng nawng ai muk shadung gaw chyoi pra nga a yang gaw, de a muk tawng ting chyoi pra nga ai; ru pawt chyoi pra nga a yang gaw, lakung lakying ni mung chyoi pra nga na ma ai.

ROMA 11:28

Shaloi, dai kabu gara shiga a lam yu yang, nanhte a matu mara, shanhte hpyen ni tai wa masai; rai timung, lata la ai lam hpe yu yang, ji wa ni a gawp e, shanhte tsawra hkrum ai ni rai nga ma ai.

1 KORINHTU 14:20

Hpunau ni e, myit mang ai lam hta ma kaji hkum tai myit; n hkru n hkra ai lam hta she ma kaji tai nga mu; myit mang ai lam hta chyawm gaw, myit su ai ni tai nga mu.

1 KORINHTU 7:14

Kaning rai nme law, n kam n sham ai madu wa gaw, madu jan a jaw e shachyoi shapra ai hkrum nga ai; n kam n sham ai madu jan mung, dai hpunau wa a jaw e shachyoi shapra ai hkrum nga ai: dai n rai yang gaw, nanhte a kashu kasha ni n san n seng na ma ai; ya chyawm gaw shanhte chyoi pra nga ma ai.

EHPESU 4:26

“Myit kahtet timung, yubak hkum galaw myit:” nanhte myit naw kahtet bu nga yang, jan hkum shadu myit:

TARA JAHPRANG 4:37

Na nji nwa ni hpe shi tsawra wu ai majaw shanhte a amyu matu ni hpe lata la nu ai;

2 TIMOHTI 1:5

nang hta jung ai n sawt ai makam masham hpe mung ngai bai dum nga ai hte, dai gaw na nwoi dwi Lui hte, na nnu Uni yan hta shawng jung nga nna, nang hta e mung a jung nga ai hpe, ngai myit tawng nga nngai.

2 TIMOHTI 3:15

nang hpe hpaji byeng-ya jaw lu ai chyoi pra ai Chyum laika ni hpe ma kaji prat kaw nna nang chye nga nit dai hpe mung, adum nga let, nang sharin la nna myit tawng da ai lam ni hta, agrin nga u.

YAWSHU 8:35

Yawshu mung, Mawshe hkang da mada hte maren, Israela shawa hpung ting hte shanhte hta na numsha hte ma kaji, shingbyi manam yawng a man e, ga dahkun mi muk n shayet ai sha, hti dan wu ai.

1 PETRU 2:2

n hkru n hkra, hkalem hkalau, sawt masawt, manawn masham hte nsu nnawn ai baw law ai ga nlang hte hpe kau da nhtawm,

SHINGRAN 14:5

shanhte a n-gup hta masu magaw n rawng malu ai; shanhte hta hpa mara mung n kap malu ai.

1 SAMUELA 1:11

Shi gaw, “Zaw nawng zaw wa up ai Yehowa e, Na mayam jan hpe n malap kau ai sha, na mayam jan a matsan shagoi hpe mada mara dum ya nna, na a mayam jan hpe shadang sha jaw n yang gaw, shi a kara galoi mung n doi ya ai sha, shi a prat dingsa, nang Yehowa hpe ap ya na nngai,” ngu nna shaka hpyi wu ai.

1 SAMUELA 1:22

Hana chyawm gaw, madu wa hpe, “Ma chyu garai n hka yang, ngai n lung na nngai; chyu hka jang she, Yehowa man e prat tup anga nga na matu sa da ai hte hpawn, woi lung na nngai,” nga nna nta e anga nga ai.