MARKU 1:45 - Jinghpaw Hanson Version Bible

⁴⁵ Shi mahtang pru wa nna, dai hpe aja awa hkai dan ai hte dai lam hpe kajai gumhkawng dat wu ai: shing rai Yesu gaw, mare kata de leng leng n shang lu ai rai nna, nam mali hkan e anga nga ai: shara magup hkan na ni mung, shi hpang de sa du ma ai.

Jinghpaw Common Language Bible 2009

⁴⁵ Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

MARKU 1:45 ပူးပေါင်းရင်းမြစ်များ

SHAKAWN KUNGDAWN 77:11

Yehowa a amu bungli ngai shana ya nna, Chyaloi nhkoi na mauhpa bungli hpe, adum nga na nngai.

MAHTE 28:15

Shing rai shanhte dai gumhpraw hpe la nna, sharin dat ai hte maren di da mu ai: dai rai nna, ga dai gaw, Yuda masha ni hta, dai ni du hkra kajai gara pri rai wa sai.

MAHTE 9:26

Dai rai nna, shi a kajai gumhkawng ai ga dai mung ting hta pri rai wa ai.

MAHTE 9:31

Rai timung, shan gaw pru wa nna, shi a kajai gara ai lam hpe dai mung ting hta e shabrawng dat mu ai.

MARKU 2:13

Bai, dai nawng makau de shi pru sa wa ai; shawa hpawng ni nlang hte gaw, shi hpang de sa du ma ai rai nna, shi shanhte hpe sharin shaga ya mu ai.

MARKU 3:20

Dai hpang, shi nta hta e shang wa ai rai nna, shanhte shat pyi n sha lu hkra, shawa masha ni bai zuphpawng nga ma ai.

MARKU 3:7

Ya Yesu gaw, shi a sape ni hte rau dai nawng de htawt mat wa ma ai: Galile mung na, masha wunawng wuwa hkan nang nga ma ai;

MARKU 7:36

Dai lam kadai hpe mung n tsun dan mu ga, shi shanhte hpe ginhtim da mu timung, shanhte hpe je ginhtim je shanang hkai dan shajang mu ai.

YAWHAN 6:2

Machyi makaw hkrum ai ni hta, shi galaw dan ai lamik kumla ni hpe mu ma ai majaw, masha wunawng kaba shi kaw hkan nang ma ai.

TITU 1:10

Kaning rai nme law, gumlau gumle re ai, kaman lila ga tsun ai hte, hkalem chye ai masha law law nga ma ai; matu gadoi lam hkan ai ni hta grau nna law ma ai;