MARKU 1:39 - Jinghpaw Hanson Version Bible

³⁹ Shaloi, Galile mung ting na shanhte a tara jawng ni hta e, shi sa hkaw dan nna, nat ni hpe shaden kau mu ai.

Jinghpaw Common Language Bible 2009

³⁹ Shing rai shi gaw Galile mung ting kawan hkawm nna tara jawng ni hta hkaw tsun dan let nat ni hpe shaden kau mu ai.

MARKU 1:39 ပူးပေါင်းရင်းမြစ်များ

MAHTE 4:23

Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta e sharin shaga ya ai hte sumsing lamu mungdan a kabu gara shiga hpe hkaw dan let, ana ahkya amyu myu hte machyi makaw amyu myu hpe shamai shatsai ya mu ai.

MARKU 1:21

Dai hpang shanhte Kaperna-um mare de shang ma ai. Shaloi jang laban nhtoi e shi shanhte a tara jawng hta shang nna sharin shaga nga ai.

MARKU 1:23

Shaloi jang, shanhte a tara jawng hta e, n san n seng nat kap ai masha langai mi lawm nga ai:

MARKU 1:38

Shi gaw, Grup yin hkan na mare kahtawng ni hta e ngai hkaw dan lu n ga, shara kaga de anhte sa wa saga; dai lam majaw ngai sa du nngai, ngu nna shanhte hpe tsun mu ai.

MARKU 3:1

Shaloi, tara jawng hta e shi bai shang ai rai nna, dai yang e, lata katsing si ai masha langai mi nga ai.

MARKU 6:6

Shanhte a n kam n sham ai myit majaw, shi amau nga ai. Dai hpang, grup yin hkan na kahtawng ni hta e, shi kawan hkawm nna, sharin shaga nga ai.

MARKU 7:30

Dai majaw shi nta de bai wa ai rai nna, dai ma gaw yup ku ntsa e kaleng taw nga ai hte, nat gaw shi kaw na pru mat ai hpe, mu wu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai: shi Hkristu rai nga ai hpe shanhte chye ma ai majaw, ga n tsun lu hkra, shanhte hpe jet kau mu ai.