MARKU 1:32 - Jinghpaw Hanson Version Bible

³² Ya, jan shang nna shana ahkying du jang, shanhte machyi makaw hkrum ai ni hte nat kap ai ni nga manga hte hpe, shi hpang de sa hpai tawn mu ai:

Jinghpaw Common Language Bible 2009

³² Ya, jan shang wa ai hpang shana ahkying du jang, masha ni gaw machyi makaw hkrum ai ni hte nat kap ai masha ni yawng hte hpe Yesu kaw woi sa ma ai.

MARKU 1:32 ပူးပေါင်းရင်းမြစ်များ

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MAHTE 8:16

Ya, shana de du yang, shanhte gaw nat kap ai masha law law hpe shi hpang de woi sa wa mu ai rai nna, ga hte sha dai nat ni hpe shi shaden kau mu ai; machyi makaw hkrum ai ni nlang hte hpe mung, shamai ya mu ai.

MAHTE 8:17

Dai gaw, Shi hkum nan, “anhte a ana ahkya hpe la kau ya nna, anhte a nji nmu hte hpe gun la kau nu ai,” nga nna, myihtoi Esaia tsun ai ga dik wa u ga, rai nga ai.

MARKU 1:21

Dai hpang shanhte Kaperna-um mare de shang ma ai. Shaloi jang laban nhtoi e shi shanhte a tara jawng hta shang nna sharin shaga nga ai.

MARKU 1:31

Shaloi shi sit wa nna, shi a lata jum let shi hpe sharawt wu ai. Dai hkali mung kawp mat nna, shi shanhte hpe galaw daw mu ai.

MARKU 3:2

Laban nhtoi hta e, dai wa hpe shamai ya na kun? nga nna, Yesu hpe mara shagun na, shanhte gyam yu nga ma ai.

LUKA 4:40

Jan shang wa jang, machyi makaw re ai hte ana ahkya amyu myu kap ai masha lu ai ni nlang hte gaw, dai ni hpe shi hpang de woi sa mu ai; shi gaw langai hte langai a ntsa e lata mara ai hte shanhte hpe shamai ya mu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai: shi Hkristu rai nga ai hpe shanhte chye ma ai majaw, ga n tsun lu hkra, shanhte hpe jet kau mu ai.