MARKU 1:27 - Jinghpaw Hanson Version Bible

²⁷ Nlang hte gaw mau mahka nga nna, Ndai gaw, hpa rai nga a ta? ningnan sharin shaga ai lam rai i? daru magam ahkang hte n seng ai nat ni hpe pyi shi htet da nna, shanhte madat mara nga ma ai, nga nna shada da tsun hkat ma ai.

Jinghpaw Common Language Bible 2009

²⁷ Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

MARKU 1:27 ပူးပေါင်းရင်းမြစ်များ

MAHTE 15:31

Dai rai nna, n chye shaga ai ni shaga lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu mu yang, shanhte mau mahka nga ma ai rai nna, Israela Karai Kasang hpe shakawn kungdawn mu ai.

MAHTE 8:9

Kaning rai nme law, ngai mung du lawu na masha rai nga nngai, nye a lawu de mung hpyen masha nga ma ai rai nna, marai mi hpe, ‘Sa u,’ ngu yang, shi sa wa ai; kaga wa hpe, ‘wa rit’ ngu yang, shi wa ai; nye a mayam wa hpe mung, ‘Ndai galaw u,’ ngu yang, shi galaw nga ai,” ngu nna htan wu ai.

MAHTE 9:33

Dai nat hpe shaden kau ai hpang, n chye shaga ai wa gaw shaga lu ai. Dai rai nna, shawa masha ni amau nga nna, “Israela amyu hta ndai zawn re ai, galoi mung n mu yu ga ga ai,” nga ma ai.

MARKU 1:26

Dai rai nna, dai n seng ai nat gaw shi hpe bu lashan shangun nna, nsen kaba hte jahtau let shi kaw na pru mat wa ai.

MARKU 1:28

Shaloi jang, Galile mung ting na shara shagu hkan e, shi a lam kajai gara gumhkawng pri rai wa sai.

MARKU 10:24

Sape ni mahtang shi a ga majaw, mau mahka nga ma ai. Dai rai nna Yesu gaw, “Ngai sha ni e, Karai Kasang a mungdan hta shang na gaw, nachying yak la a hka gaw.

MARKU 10:32

Shaloi, Yerusalem de lung wa na, shanhte lam e rai masai rai nna, Yesu gaw shanhte a shawng e sa wa nga ai: shanhte mahtang mau mat ma ai: hkan nang nga ai ni mung, hkrit kahpra nga ma ai. Dai shaloi, sape shi lahkawng hte hpe, shi bai shaga la nhtawm, shi hta byin magang ra ai amu a lam, shanhte hpe tsun mu ai gaw,

MARKU 16:5

Dai lup kata de shang yang, hpraw tu ai nba lawai ai hte, hkra maga e dung nga ai shabrang langai mi hpe, shanhte mu ma ai rai nna, mak mat ma ai.

MARKU 16:6

Shi mahtang, “Nanhte hkum mak mat myit:” wudang hta e jen da sai Nazaret wa Yesu hpe nanhte tam nga myit dai: shi rawt wa sai; shi nang e n nga sai; shi hpe bang tawn da ai shara hpe yu yu mu!

MARKU 7:37

Shanhte mung nachying wa mau mahka mat ma ai rai nna, “Shi yawng mayawng hte hpe mai kaja ai hku galaw lu ai: na lahpang ai ni hpe na lu shangun nna, n chye shaga ai ni hpe ga tsun shangun lu ai,” nga ma ai.

LUKA 4:36

Dai majaw nlang hte gaw mau mahka nga ma ai rai nna, “Ndai ga gaw kaning re ai ga re ai i? daru magam ahkang hte mung, n-gun atsam hte mung, n san n seng ai nat ni hpe shi htet da nna shanhte pru mat wa ma ai,” nga nna shada da tsun hkat ma ai.

LUKA 9:1

Dai hpang, shi gaw dai sape shi lahkawng hte hpe shaga la nhtawm, nat nlang hpe dang lu na mung, machyi makaw shamai ya na mung, shanhte hpe atsam hte ahkang jaw nna,

KASA 17:19

Shing nga tsun nhtawm, Pawlu hpe Aripagu ngu ai kawng de woi lung wa nna, “Dai nang tsun ai sharin shaga lam ningnan, anhte mung chye yu mawe ga?