MARKU 1:2 - Jinghpaw Hanson Version Bible

² “Yu mu, na a man e na a lam lajang magang na, Nye a kasa hpe ngai shangun dat we ai;

Jinghpaw Common Language Bible 2009

² Myihtoi Esaia a laika hta ka da nga ai hte maren: “Karai Kasang gaw, ‘Na lam lajang magang na matu nye a kasa hpe na a shawng e ngai shangun dat na we ai.’

MARKU 1:2 ပူးပေါင်းရင်းမြစ်များ

SHAKAWN KUNGDAWN 40:7

Shaloi ngai gaw, “Yu u, ngai sa du ring ngai, Laika katsu hta nye a lam ka da nga ai.

MALAHKI 3:1

Yu u, nye a Kasa hpe ngai shangun dat nngai; shi gaw nye a man e, lam lajang na ra ai: nanhte hkan tam ai Madu gaw, shi a nawku Htingnu de akajawng sha du na ra ai; nanhte marit nga ai ga shaka a Kasa gaw, yu u, shi du ra ai, nga nna Zaw nawng zaw wa up ai Yehowa tsun ai.

MAHTE 11:10

‘Yu u, na a man e, na a lam lajang magang na, Nye a kasa hpe na a shawng de ngai shangun dat we ai,' nga nna ka da ai ga gaw shi a lam rai nga lu ai.

MAHTE 2:5

Shanhte gaw, “Yuda mung na Betlehem mare hta e shangai wa na ra ai:” kaning rai nme law, myihtoi a lata hte ning nga nna ka da nga ai,

MAHTE 26:24

ka da nga ai hte maren, dai Masha Kasha gaw sa wa na ra ai; rai timung, dai Masha Kasha hpe ap kau ai wa gaw dingnye lu na ra ai! dai masha n shangai taw gaw, shi a matu grau kaja nga ai, ngu wu ai.

MAHTE 26:31

Shaloi e Yesu shanhte hpe tsun mu ai gaw, Ndai shana e, nanhte nlang nye a lam myit kataw na marin dai; kaning rai nme law, ‘sagu rem ai wa hpe ngai anu sat nna, sagu hpung na sagu ni gaw, bra mat na mara ai, nga nna ka da nga ai:

LUKA 1:70

Anhte a ji wa ni hpe matsan dum ai lam madun na matu mung; Gumlau ni a lata na mawai la ai hkam ngut jang,

LUKA 1:76

Ma e, nang mung, Tsaw htum ai Wa a myihtoi ngu ai hkam la na rin dai: Anhte a Karai Kasang a matsan dum ai chyeju majaw,

LUKA 18:31

Shaloi shi gaw sape shi lahkawng hte hpe shaga la nna, “Yu mu, Anhte Yerusalem mare de lung wa nga ga ai; myihtoi ni a lata hte ka da mada gaw, Masha Kasha hta dik wa na ra ai.