MARKU 1:15 - Jinghpaw Hanson Version Bible

¹⁵ “Dai aten ladaw dik wa ai hte, Karai Kasang a mungdan gaw ni wa magang ra ai: myit malai lu nna, dai kabu gara shiga hpe kamsham nga mu,” ngu nna Karai Kasang a kabu gara shiga hpe hkaw dan mu ai.

Jinghpaw Common Language Bible 2009

¹⁵ Shi gaw, “Dai aten ladaw dik wa ai hte, Karai Kasang a mungdan gaw ni wa magang ra ai! Nanhte a yubak mara ni kaw na kayin wa nna Karai Kasang a Kabu Gara Shiga hpe kam sham nga mu!,” ngu nna hkaw dan mu ai.

MARKU 1:15 ပူးပေါင်းရင်းမြစ်များ

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 9:25

Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.

MAHTE 10:7

Pru hkawm wa yang, ‘Sumsing lamu na mungdan gaw ni wa magang ra ai,’ ngu nna hkaw tsun dan mu.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, myit malai lu mu,” nga nna hkaw nga ai hte tsun hpang nga ai.

LUKA 10:11

Anhte a lagaw hta kap ai nanhte a mare na ga nhpu pyi, nanhte hpe deng na maga de anhte katsut kau da ga ai: rai timung, Karai Kasang a mungdan gaw ani sha du ra ai hpe, chye nga mu, ngu nna tsun da mu.

LUKA 10:9

dai yang na machyi ai ni hpe shamai ya nna, Karai Kasang a mungdan gaw nanhte hte ani sha du ra ai, ngu nna shanhte hpe tsun dan mu.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

ROMA 16:26

ya e shadan dat ai sung ai shingran ga hku hkan let, nye a kabu gara shiga hte, Yesu Hkristu a lam hkaw dan ai ga hte maren, nanhte hpe shadaw shangang ya lu ai,

GALATI 4:4

Rai timung, aten ladaw gu jang, dai jep ai tara npu e rai nga ai ni hpe hkrang shaw la nna, anhte kasha yin la ai chyeju hkam la lu u ga,

EHPESU 1:10

dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.

1 TIMOHTI 2:6

Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.

TITU 1:3

Dai htani htana asak lam, masu magaw n chye ai Karai Kasang gaw, moi chyaloi nhkoi kaw na ga ndat tawn da timung, shi madat da ai aten ladaw e sha, tara hkaw dan ai ga hte shapraw dan nna,