MARKU 1:11 - Jinghpaw Hanson Version Bible

¹¹ Nang gaw nye tsawra ai Kasha rai nga ndai; nang hta ngai sharawng awng nngai law,” nga ai nsen gaw lamu de na ngoi pru ai.

Jinghpaw Common Language Bible 2009

¹¹ Lamu de na mung, “Nang gaw, nye a tsaw ra ai shadang sha rai nga ndai; nang hta ngai sharawng awng nga nngai,” nga nna nsen ngoi pru ai.

MARKU 1:11 ပူးပေါင်းရင်းမြစ်များ

SHAKAWN KUNGDAWN 2:7

Ga madat ngai shana ya na nngai: “Ngai sha nang rai nga ndai, Dai ni ngai nang hpe shaprat sade ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

MAHTE 12:18

Nye Wenyi shi a ntsa e ngai bang da ya nna, Shi masha amyu ni hpe dawdan ai lam tsun dan na mu ai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 3:17

dai hta n-ga, “Ndai wa gaw ngai sharawng awng nga ai, ngai tsawra ai Kasha rai nga li ai,” nga nna lamu de na nsen ngoi pru wa ai.

MARKU 1:10

Shaloi jang, dai hka hta na shi pru lung wa yang sumsing lamu gaw ga malang wa ai hte, dai Wenyi gaw hkrudu zawn, shi a ntsa e yu wa ai hpe, shi mu wu ai rai nna,

MARKU 9:7

Dai shaloi sumwi du hkrat nna, shanhte hpe ka-up nhtawm, dai sumwi hta na nsen pru nna, “Ndai wa gaw, ngai tsawra ai, ngai Sha rai nga ai: shi a ga madat mara mu,” nga ai.

LUKA 3:22

dai Chyoi pra ai Wenyi gaw hkrang dan dan shi a ntsa e hkrudu zawn yu hkrat wa nna, “Nang gaw nye tsawra ai Kasha rai nga ndai; nang hta ngai sharawng awng nngai law,” nga nna lamu de na nsen du pru wa ai.

LUKA 9:35

Dai sumwi hta nna mung nsen ngoi pru wa ai gaw, Ndai wa gaw, ngai Sha, ngai lata la ai wa rai nga ai: shi a ga madat mara mu, nga ai.

YAWHAN 1:34

Dai hte maren ngai mu se ai rai nna, ‘ndai wa gaw Karai Kasang a Kasha re ai, ngai sakse hkam we ai,’ nga nna sakse hkam ya wu ai.

YAWHAN 3:16

Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

YAWHAN 5:37

Ngai hpe shangun dat ai nye Wa mung nye a lam sakse hkam ya ni ai. Nanhte gaw shi a nsen galoi mung n na yu myit dai: shi a gawng shing-yan hpe mung n mu yu myit dai:

YAWHAN 6:69

nang gaw Karai Kasang a Chyoi pra ai wa rai nga ndai hpe, anhte kamsham saga ai rai nna, chye nga ga ai,” ngu nna shi hpe htan wu ai.

ROMA 1:4

Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai: