MALAHKI 1:3 - Jinghpaw Hanson Version Bible

³ Esaw hpe ngai n dawng nna, shi nga ai bum ni hpe katsi katsang shara shatai ai hte, shi a sali wunli hpe, zaibru jang na nam gwi ni hpe, ap kau ya ni ai, nga nna Yehowa tsun ai.

Jinghpaw Common Language Bible 2009

³ Esaw hte shi a matu mara ni hpe chyawm gaw n dawng nngai. Ngai gaw Esaw nga ai bum ga hpe katsi katsang shara shatai kau nna, dai lamu ga hpe nam gwi ni a lata de tawn kau da ya ni ai,” ngu nna htan wu ai.

MALAHKI 1:3 ပူးပေါင်းရင်းမြစ်များ

OBEDIA 1:10

Na nnau Yaku hpe adip arip di kau wu ai majaw, kaya kahpa nang hpe htinggrum nna, htani htana jahtum kau ai nang hkrum na rin dai.

YOELA 3:19

Yuda mung na kashu kasha ni hpe zingri zingrat nna, shanhte a mungdan hta mara n kap ai sai jahkaw kau mu ai majaw, Egutu mung katsi katsang shara, Edom mung shingran katsi ai zaibru jang, tai na ra ai.

EZEKELA 36:9

Kaning rai nme law, yu u, nanhte hpang maga ngai rai nga nngai; nanhte nga ai de ngai nhtang wa nna, nanhte a ntsa e yi hkauna galaw lu ai hte, nli gat na mara ai!

EZEKELA 36:7

Madu Yehowa ning nga ai: Gaja wa nanhte a grup yin e nga ai amyu ni gaw, tinang nan shatan nhkan hkrum na mara ai,’ nga nna ngai dagam ni ai.

YEREMIA 51:37

Babelon mare gaw marawng marang hte, nam gwi ni a shanu ai shara, mauhpa shara hte, masha kata ai, shingran katsi ai shara, tai na ra ai.

YEREMIA 49:10

Ngai chyawm gaw Esaw hpe singgu krin di kau nngai; shi n makoi nga lu hkra, shi a shim ai shara ni hpe ngai shadawng da nngai: shi a aru arat ni, kahpu kanau ni, htingbu htingpyen ni htum mat ma ai rai nna, shi n nga lu ai.

YEREMIA 9:11

“Ngai gaw Yerusalem mare hpe marawng marang hte, nam gwi ni shanu ai shara shatai na nngai; Yuda mare ni hpe masha shingran katsi ai shara shatai kau na nngai.”

ESAIA 35:7

Kahtet kabrim ai zaibru jang hta hka lawng, hkraw hkun ai ga hta hka hpawk, hpaw na ra ai: nam gwi ni yup ai shara hta mai-aw hte hka shaman hpawn tsingdu tu na ra ai.

LUKA 14:26

“Ngai kaw sa du ai wa kadai mung, tinang a kanu kawa, madu jan kasha ni hte, kahpu kanau kajan ni hpe mung, dai hta n ga tinang a asak hpe mung, n dawng n rai yang gaw, dai wa gaw nye a sape n tai lu ai.

NINGPAWT NINGHPANG 25:23

Dai rai nna Yehowa gaw, “Na a hkum hta amyu lahkawng rawng nga lit dai, Hkritung nna pyi amyu lahkawng karan nga ma ai; Amyu mi gaw amyu mi hta grau nna n-gun ja na ra ai, kaba ai wa mahtang kaji ai wa kaw yam na ra ai,” ngu nna shi hpe htan dat wu ai.

YEREMIA 49:8

Dedan masha ni e, kanut wa nna hprawng mu: sung ai shara ni hta shanu nga mu: ngai gaw Esaw hpe kawan katsan yu ai shani e, shi hkrum ang ai tsin-yam tsindam hpe shi a ntsa e shapraw na nngai.

YEREMIA 49:20

Dai re ai majaw, Yehowa gaw Edom mung hpe sha-ang nna hpaji daw ai lam, Tema shara e shanu nga ai ni hpe sha-ang nna, galaw na maw ai lam hpe, na la mu: gaja wa, hpyen ni gaw mung masha ni hpe sagu kasha zawn dun karawt la na mara ai; gaja wa shi gaw, shanhte a shanu nga ai ga hpe, shingran katsi ai shara, shanhte a ntsa e, shatai na ra ai.

YEREMIA 49:33

Shing rai Hazora mung gaw chyahkyawn ni a shara hte, prat dingsa na shingran katsi ai shara tai na ra ai: masha kadai mung dai de nga na n rai; shinggyim masha kasha mung dai de shanu nga na n rai, nga nna Yehowa tsun ai.

SHARUNG SHAYAWT 4:22

Ziun shayi sha e, na yubak majaw nang hkrum ging ai ari ahpri htum sai; htawm hpang de shi nang hpe bawng dung shangun sa na, n rai. Edom shayi sha e, na a shut hpyit ai hpe shi sawk yu nna, na a yubak hpe shadawng dan na ra ai.

YEREMIA 49:7

Edom mung hpe lakap nna, Zaw nawng zaw wa up ai Yehowa ning nga ai: “Teman mung hta e hpaji ma sani? myit su ai ni hpaji n daw lu ma ni? shanhte nyan htum sani?