MAHTE 9:8 - Jinghpaw Hanson Version Bible

⁸ Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkang jaw ai Karai Kasang hpe sharawng awng nga ma ai.

Jinghpaw Common Language Bible 2009

⁸ Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkaw ahkang jaw ai Karai Kasang hpe shakawn shagrau nga ma ai.

MAHTE 9:8 ပူးပေါင်းရင်းမြစ်များ

MAHTE 12:23

Dai majaw shawa masha ni mau mahka nna, “Ndai wa gaw Dawi a kasha rai nga a hka?” nga nna tsun shajang ma ai.

MAHTE 15:31

Dai rai nna, n chye shaga ai ni shaga lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu mu yang, shanhte mau mahka nga ma ai rai nna, Israela Karai Kasang hpe shakawn kungdawn mu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

MAHTE 9:7

Shaloi shi rawt nna shi a nta de wa mat ai.

MARKU 2:12

Shaloi jang shi rawt nna, shi a yup rai hpe lang let, mahkra a man e pru wa ai; dai majaw nlang hte gaw mau mahka nga ma ai rai nna, Karai Kasang hpe shakawn kungkawn let, “Anhte galoi mung, dai zawn re ai n mu yu ga ai,” nga ma ai.

MARKU 7:37

Shanhte mung nachying wa mau mahka mat ma ai rai nna, “Shi yawng mayawng hte hpe mai kaja ai hku galaw lu ai: na lahpang ai ni hpe na lu shangun nna, n chye shaga ai ni hpe ga tsun shangun lu ai,” nga ma ai.

LUKA 13:13

shi a ntsa e lata mung mara ya wu ai: shaloi jang shi a malang jan rai lu nna, Karai Kasang hpe shakawn kungdawn nga ai.

LUKA 17:15

Shanhte hta na marai langai mi gaw, tinang hkum san pra mat sai mu chye jang, bai nhtang sa nna nsen kaba hte Karai Kasang hpe shagrau sha-a ai hte,

LUKA 17:18

Ndai tsasam masha hta kaga, Karai Kasang hpe shagrau sha-a na, bai nhtang sa ai langai mi muk n nga a ni?” nga nna san nhtawm,

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let shi kaw hkan nang wu ai: hkan nang ai ni nlang hte gaw dai lam hpe mu jang, Karai Kasang hpe shakawn kungdawn nga ma ai.

LUKA 2:20

Sagu rem ai ni mung, shanhte hpe tsun dan manu ai hte maren, na la, mu la ai lam mahkra a majaw, Karai Kasang hpe shagrau sha-a nna, shakawn kungdawn let bai wa ma ai.

LUKA 23:47

Shing rai byin ai lam ni hpe hpyen latsa up ai bu wa mu wu yang, “Gaja wa teng teng ndai wa gaw dingman ai wa rai nga ai,” nga nna Karai Kasang hpe shagrau sha-a wu ai.

LUKA 7:16

Masha nlang hte mung hkrit mau mat shajang ma ai rai nna, Karai Kasang hpe shagrau sha-a let, Myihtoi kaba anhte kaw paw pru ra ai, nga nna mung, Karai Kasang gaw shi a amyu hpe kawan katsan yu nga ai, nga nna mung, tsun gara wa ma ai.

YAWHAN 15:8

Nanhte asi law law si wa ai a majaw, nye Wa a hpung shingkang dan hkung wa nna, nanhte mung, nye a sape ni teng na myit dai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 21:20

Dai na jang shanhte mung Karai Kasang hpe shagrau sha-a ma ai: bai shanhte gaw Pawlu hpe, “Hpu wa e, Yuda masha hta na kamsham ai ni gade mun hkying law nga ma ai gaw, nang chye nga ndai; dai ni mahkra jep ai tara hta myit jung ai hkrai rai nga ma ai:

KASA 4:21

Shaloi shanhte gaw, mung masha ni hpe tau yu let, shan hpe ari jaw na lam n mu mu ai majaw, shan hpe bai daru nna dat dat mu ai; kaning rai nme law, dai byin ai amu majaw, masha nlang Karai Kasang hpe shagrau sha-a ma ai.

2 KORINHTU 9:13

ndai galaw daw ai lam hte nanhte hpe chyam yu ngut jang, Hkristu a kabu gara shiga a lam hkan nang nna madat mara nga myit dai hte, n daw n hta re ai alu kumhpa, shanhte hpe mung, mahkra hpe mung, a jaw nga ai majaw, shanhte gaw Karai Kasang hpe shagrau sha-a nga ma ai:

GALATI 1:24

nye a lam Karai Kasang hpe shakawn kungdawn nga ma ai.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.